Zulo honetako berri
Txurdin
Aurtengo jaiak aurki dira ta
ni hemen nator kantari,
agur bero bat bidali nahiaz
nere euskal anaieri.
Kezka handiak herri honetan
ba dira jaunak nabari,
nik horren berri eman nahi diet
jakin nahi duteneri.
Lehen genitun eratzaileak
aurten dira erretiratu
jaiak antolatu behar honek
nahiko lana, jaunak, bai du.
Diru kontuan nahiz gaizki izan
gazteak dira aurreratu,
Batasunaren hidez dituzte
aurtengo jaiak prestatu.
Izan diteke hau izatea
herririk nagusiena,
elkarte bat osatu dugu ta
Batasuna du izena.
Hortan daukagu herreratarrok
geroko itxaropena
danok batuaz lortuko dugu
gaur behar dugun kemena.
Batasun hitza edera dugu
hitza ez da bainan nahikoa
behar bai dugu lortu, anaiok,
batasun benetazkoa.
Jakin dezagun onhartzen ere
besteak duten asmoa
ez dezagula iņolaz galdu
gaur dadukagun giroa.
Batasun bidez jasoko dugu
gurea dugun herria
nahiko problema ba dugu eta
lana ere ez da txikia.
Gaurtik aurrera bazter dezagun
gugandik bakoizkeria
billa dezagun jardun guzitan
herrian irabazia.
Besterik gabe agur danori
ikusiko gera sarri,
gure jai hauek izango al dira
zuek danontzat pozgarri?
Nahi ba duzute izan, lagunak,
gure herri honen berri
aurtengo jaiak laister dira ta
Herrera aldera etorri.
