Oiharzunak mendian zer dion
Oxobi
Bizia niri baitzautan ezin
jasanezko zama;
auhen minez betherik dut erran
zer egin, zer asma;
Jinko jaun zuzenik othe da;
mundu hau zerek derama?
...oiharzunak erreka zolan
ihardetsi deraut ama!
Ama!... - zion oiharzunak
hegaldatuz inguruan-
ezti zitzauzkitan minak
zintudalarik munduan;
orai nun zaude jakiteko
nigarrez hemen zer duan?
...Oiharzunak aldiz airoski
dio zeruan, zeruan!...
Ama! zeruan bazaude
hor zaitu Jaunak emana;
ez bazitake jauts hortik
zure semearen gana,
igor dezadazu bederen
gizonen zain dabilana?
...Oiharzunaren oihua zen
orotarik lana lana!...
Zeruko Jinkoa zer dut
hoi behar nere minekin?
badut aski pairaturik
hemengo biziarekin!
lan horrek nu eta chahutzen
bere dohain tzarrenekin!
...Oiharzunak bortuan
gora zion enekin enekin!...
Zurekin?... oi eskuz esku?
zatozkit ba laster Jauna,
zorigaitzak jo dituen
gizon flakoen laguna!
Zer!... orai zu zaitut entzuten
aditzean oiharzuna
haizearekin bazterretan
diolarik huna huna!...
Urrun etzatera zoan
odoletan iguzkia,
osoki kharra galdurik
goizdanik baitzen jeikia
eta nik jakin dut orduan
lur huntan zer den egia
behar dugula noizpeit orok
nigarrez busti begia.
Bainan iguzkia nola
bethi berriz phizten baita,
gu berma gaiten othoiztuz
zeruetan dugun aita;
bots, auhen minetan dezagun
bihotz bihotzetik kanta,
garraituren dugu segurki
zorigaitzaren zaparta!
Lehen izarrek argitzen zuten
zeru gain urdina,
nik igorri dutanean
eskualdunen irrintzina.
haren hegaletan bortuan
aira zadin nere mina...
...arrats hartan zonbat gocho
zen oiharzun airos arina!