Mendirako bidean
Moulier, Jules (Oxobi)
1
Eskual-herrian ostaler guti,
ostalertsa gehiago;
Emaztearen eskuetan den.
ostatua garbiago;
Bazterrek dirdir argi dezaten
etchekandre pruntta bego;
Bere jaun lodi puska bezala
baso husten ez baitago...
2
Iguzkitarat maiatza jeiki,
elhurrak urthu mendian;
Negu tzarraren uztar gaichtoak
akabo dire agian;
Gure artzainak bortuko bider
lotzerat orai abian;
Bainan joan aintzin eginen dute
ohiko pesta herrian.
3
- «Egarri, gose, huna nun giren:
arratsalde on, Kattalin!
Zure senharra fleitean denetz
nahi ginuke ba jakin!
Ase on baten orhoitzapena
ereman ere gurekin;
Pagamenduaz, gasna duguno,
ez odol gaichiorik egin!»
4
Bortz ilabethez, mahaina chuhur,
etzangia taula gogor,
Beren mendian biziko dire
gure arrabotseri gor;
Erretirako balinbada gaur
edale bezanbat mochkor,
Ez du ez bihar buruko minak
gibel-araziko nehor.
5
Gutartetaino, jo eskuin-ezker,
udan arrotzak ibilki...
Ostaiertsaren ezpain ederrek
gazier irri gochoki;
Paristarrekin senharra baino
etchekandrea hobeki,
Hunek erdara, bai uste nuke,
Paris-eko modan baitaki.
6
Ostalertsaren alaba horrek
badu sobera urgulu:
Amak hoin untsa daukan etchea
ez zaio aski gazetlu;
Sasoin bezanbat gizon-gai berri:
bethi dena mirakulu;
Chuhurra luke bere senhartzat
artzain on bat hartzen balu...