Mandoaren espantuak
Moulier, Jules (Oxobi)
1
Mando mula bat zen
Churia,
Churi bezain gizen
Joria
Ikustea baitzen
Loria;
Hots, Jaun Ertoraren
Mandoa!
2
Churi, jori, lerden,
Badoa,
Janik Etchebesten
Oloa,
Eta Hauzokoen
Lastoa...
Ororen muthil
Orotarik bil!!
3
Bainan,
Mainan,
Phereka,
Mereka,
Hain arthoski gochatua,
Zen bezala, mainatua,
Mandoak bere burua
Zaukan,
Ha... han,
Sobera
Gora!
4
Asto, pullo beltchenen
Churia zen aiher,
Eta nola
Mando denean ageri,
Asta belchak bazter!
Hor, bertzela,
-Oldar bat, bi puzker!
Hanka zola
Dukete behingotz eri!!
5
- Nor niz ni?
Ni, bai ni??
Jauregiko behorraren,
Primetako lehenaren,
Alaba !
Donapaleon izan den
Garañorik gaitzenaren
Iloba!
6
Gauzarik ederrenak higatzen
Mandorik pollitenak zahartzen;
Bere joritasuna,
Bere lerdentasuna,
Zituenekotz galdu,
«Zuria» zuten saldu.
Felo'ren eiheran muthil sarthu:
Bere aitaz mula han orhoitu!
|