Madarikatu gerla
Moulier, Jules (Oxobi)
1
Edergailuz eder da hiriko moldea
Ederrago langilez on den etxaldea
Ama batek ukan du, hau pena ez dea
Bere seme guzien gerlarat galdea.
2
Ama batek baditu zortzi seme jinak
Zortziak nabi gabe soldado eginak
Itsasoan harroka garbitzen uhainak
Ama haren bihotza jaten dio griņak.
3
Zortzi etxeko seme laborantxan trebe
Etxea utzi dute langile bat gabe
Madarikatu gerla hori bada lege
Makurra jarri zauku xuxenaren jabe.
4
Ama gaixo kartsua, zaude Jainkoari
Bihozmin janarentzat harek dauka sari
Nun ere baitituzu zure haurrak ari
Zortziek Jainko bera daukate gidari.
5
Hazila jin denean hostoak erortzen
Ogiak aldiz eder alorretan sortzen
Gure deiari laster Jainkoa da heltzen
Bide makurrenean girelarik sartzen.