Erbia eta apoharmatua
Moulier, Jules (Oxobi)
1
ERBITTO bat: beharri chut,
buztan labur,
Ausik, itzul, beha, jauni...
bethi beldur,
Larretikan goizalderat,
Zangoak arin,
Jautsi zen behin
Jauregiko baratzerat...
2
Jauregiko baratzean jabe, ichil,
Apoharmatu handi bat nekez
dabil,
Etchea baderamala...
Oraino barur,
Urhatsa labur,
Panttupa pan plun panpala...
3
Oinak arin,
Kaskoz berdin,
Erbi tcharra irriz hasi
Gogor, konkor,
Bainan ez gor,
Apoharmatuk erasi:
Nitaz egiten duk irri?
Choroa... jokatzen dauiat
Zoinek lasterrago kurri...
4
To, aza huru pare bat,
Debru zango luz ergela,
Hi baino ere naizela!
- He, zoin lehen zu niri?
Buruti'k etzira eri?
5
Jauna, erranean nago:
Banizela zu bezenbat
Heltzeko gaintto hartarat,
6
-Zu lehen, ni aintzinago...
Hots, arri, arri mandoko,
Bihar ez Iruņerako.
7
Urhatsa duela urri,
Bainan tira eta kurri,
Panttupa pun, panttupean,
Jauregia bizkarrean,
Apoharmatu badoa.
8
Dantzaria maiz choroa...
Bi azen irabazteko
Hiru jauzi aski eta,
Erbi jaun abiatuko
Arizan gabe josteta?
9
Ausik eta itzul,
Charpot eta tipul,
muttura phereka,
Bizkarrari hazka...
Erbiak oinetan
Ez du ez berunik,
Bizkar errainetan
Ez dakhar lagunik...
10
Hots, noizbet, erbia, zart!
badoa,
Hala nola chichparen tiroa.
Bainan apoharmatuak irriz:
Erbi, nitaz trufa hadi berriz.
Zeren, panttuoa pun plun pan
ttupan,
Ordukotz heldurik bailtzagon
han.
11
Geroa dela geroa
Buru arinen leloa:
Jendetan asko badire,
Erbi choro horren pare
|