Egurgi

Moulier, Jules (Oxobi)

 1

 Mendi zolan Beherrobi,

 Gorago nunbait Egurgi;

 Garaztar artzain chotilak harat heltzean izerdi:

 Nafarrorik ez, bainan... urak dira garbi!

 2

 Errekan arraina merke,

 Bil errech amurik gabe:

 Madalenako horiek garizumen begirale,

 Pazko aintzin ditutzu Egurgin errege.

 3

 Orduan ez nintzen lotsa,

 Luzechago nuen hatsa,

 Iguzkitarat halere hurri neraman urhatsa;

 Bordetarat orduko, gocho zen arratsa.

 4

 Mugaz achola gaberik,

 Harrien bi aldetarik,

 Ardi behiek, pottokek, alhan badabiltzalarik,

 Ez dute Jainkoaren legeaz bertzerik.

 5

 Uharte, bizi zirea?

 Zertan duzu arthaldea?

 Garruze Pelegrinean achuririk sorfa dea?

 Orbaitzetako maldak han baitaude beha.