Arrangoitze herriari
Moulier, Jules (Oxobi)
1
Arrangoitze herria hanbat hedatua
Euskal-Herri guziari hainitz famatua
Bigarren aldikotz haiz hor galdezkatua
Izan dadien Plaza itxuraldatua.
2
Karrika bat eginez Plaza da hedatzen
Ikusiko ditugu etxeak hor sortzen
Biztanleak ere hor osteka etortzen
Oihan xoritsu hori, betunez ihaurtzen.
3
Ur, eletrika, bide, telefon ezartzen
Ondarkin, ur-zikinen ororen baztertzen
Nor ariko ote da ez bada pagatzen?
Herriari zaiola, diote, tokatzen.
4
Tokatuz geroz luke, beden, jakin behar
Zonbat gostako zaizkon miliun miliar?
Saltzeak zonbatetan ? Zonbat Arrangoiztar
Sartuko diren eta zonbat kanpotiar?
5
Herriari emaitza: gauza pozgarria!
Etxeari harrika: zoin damugarria!
Behin beden ikasak: "Buru bat handia
Ez dela nehoiz izan buru bat argia!"