Bazko
Monho, Salvat
1
Hirugarren eguna da, Jainkoak argitua!
Hobia hor da hustua, zerua urratua!
Jesusen gorputz piztua, goiti hegaldatua,
Bezperagoko zauriez sainduki edertua!
2
Ezkilak, has zaizte, oro, kantu-errepiketan!
Horra aphezen eskutan ogi-arnoak sutan:
Jesus dagolarik ere lorios zeruetan,
Arimen hazkurri dugu aldare sainduetan!
3
Fededuna, hurbil zaite, har janhari hortarik;
Begiratuko baitzaitu Satanen gaitzetarik;
Iragan dezakezuia Bazko ederragorik?
Jesus phiztuak zu ere phiztua ezarririk.