Txakurra ta katua
Mogel, Juan Antonio
Txakur-katuak, nork sinistu?
Zeuden bein erretillu batean
Alkarrekin jaten pakean,
Ta ez ziran batere tximistu.
Etxeko jaunak bertatik
Auzokoai, erakusteko zergatik,
Deiturik, abiatzen zaie esaten:
¿Nola ez dituzute ekusten
Etsai gogor bi paketurik
Eta mai batean alkarturik?
¿Txakur ta batua adiskide
Balira bezela senide?
Zer egin ez lezake ekanduak
Eta gauza batera oituak?
Beazuna bera eztitu,
Gizon sutsua otzitu;
Aserre erraza bigundu,
Oberrena ere zuzendu.