¡Nik badet kabi maite bat!
Mikel
(Oteizako Mazizior-Reparaz'i)
Nik badet kabi maite bat...
Ibai ondoan
belardi arro, ezea...
Lorez beteta baratza
soro erdian...
Lore-tartean antxen det
kabi maitea.
Goize guztitan apalki
musutzen du eguzkiak
kabitxo ura...
Nik maite det kabi ori...
Gau apaletan
intz-bitxiaz apaindua
Illargiak maitatzen du
laztan ixillan...
Goizetan ibai-ertzetik
karnabatxoak
bialtzen ditu emeki
kabira txio maiteak,
mintzo laztanak...
Uso garbien urrumak
alaitzen dute
kabitxoaren bizitza,
maitasunaren txokoa
berotzen dute.
[...]
Goize batean
entzun nun orko txorien
txiyo eder maitalea
barru-barruan.
Ederrak bai txori oyek!
Iztunak begik;
luma politak, emeak;
biotz aundia, xamurra;
maite ditut nik...
Goizero entzuten diet
txiyo maitea
goizero bai nik erantzun
biotzez mintzo beroa
kutun-kutuna...
Oteyza det kabi ori...
Orko txoriak
Mazizior eta Reparaz...
Maite zaituztet biotzez
euskaldun onak.
|