Sakramentu deunari
Aldia
Zure soņaz, Jauna, egin zendun eztia;
Zure nekaldiaz gertu zendun ogia,
Ezti gozo-gozoa,
Ogi sendogarria...
Bizitza guzian izan ziņan okiņa;
Zure soņ bikaņa izan zendun iriņa,
Birjiņaren aragiz
Jaungoikoak egiņa...
Maitasuna-euki zenduan legamitzat,
Indar orodunak lan eiteko eskutzat,
Lan erraxa benetan
Esku aiņ bikaņentzat...
Odolaz oratu zenduan ogi deuna,
Neke ta izerdiz egiņ orren leguna,
Gogoen bazkaria,
Maitaleen zoruna...
Kixkaldu zenduan Biotzaren labean;
Zuri atera zan maitasun-sugarrean,
Len beltz-jarri zana
Eguzki-odolean...
Nekaldiņ lan egiņ zenduan iltzeraņo
Ogiri betiko indar emateraņo
Zugan bizi gaitean
Biziko geranaņo...
Ori egiņ zendun lan aiņ arrigarria,
Zuretzat gogorra, gutzat dana eztia,
Gogoen janaria,
Bizitzaren bizia!