Maitalea beti maitale
Aldia
Mendi gorrien erditik,
Ibai legorrak barrena,
Bide dagi Maitaleak,
Bide dagi eguzkitan
Begi zorrotzez
Zeartzen ditu
Aldiak eta mendiak;
Begi xamurrez
Biguntzen ditu
Arkaitzak eta gogoak
-Uso-begizko Nazaretar liraņa,
Nai dezu egarri kentzeko ur gozoa?
-Erukitasun
Uraz naiko det,
Maitasun-egarri naiz-ta.
-Putzu ontatik
Emain nizuke
Pozikan, ene maitea...
-Zure maitasun
Ura gozoak
Billatzen nabil, kuttuna.
-Maitasunezko
Ura beroak
Nai badituzu, enea,
Artzu biotza,
Artzu osoa...
Ola putzu ondoan ziotsan maiteak
Maitaleakin itzegiten egonda.
Juan zan Maitalea, juan zan
Ase gaberik;
Eguzki-galdetan juan zan
Ibar ta mendiz.
Arrats-epel-gorrian
Bide dagi Maitaleak;
Judeako gaztelura
Bide dagi illunpean.
Bere gogoa
Da itxasoa
Maitasunez irakiņa;
Bere biotza
Susko labea
Beti gargar dagiena.
-Eguzkitan igartutako lilia,
Nai dezu indar artzeko janaria?
-Nere gosea
Lurreko janaz
Beņere asetzen ezta
-Bazkari ontaz
Artzu, maitea,
Bazkaldaria Zera-ta.
-Gogoen jana
Nai det ordea,
Goietarren jan bakarra
-Nere biotza.
Ar nai badezu
Zure begik eritua,
Senar-emazte
Izango gera...
Ola mai ondoan ziotsan maiteak
Maitale-oņak malko beroz bustita.
Juan zan Maitalea, juan zan
Ase gaberik;
Eguzki-galdetan juan zan
Ibar ta mendiz.
Eguerdi kixkalduan
Tontortxora igo naiez
Dabil nekez Maitalea,
Dabil nekez bidegiten.
Eskergabeak
Par zegioten
Ta gogor astindu zuten;
Bera ordea
Gurutzera.
Igo zan maitasun eske...
Nazaretar Maitalea egarri zan
Kixkal-erreta maitetasun-galdetan!
Odol-negarrez
Bustirik zegon
Ta ura eskatzen zuen
-Arrosen ura
Emain nizuke,
Begiko arros ederra.
-Ozpiņ-arantzak
Nai ditut, maite;
Orrela maiteko naute
-Ludi guziko
Jabe bakarra
Gaurdandik izango zera.
Biotz-zauriaz
Biotz guziak
Xamurtu dituzun, Jauna...
Orrela gizadiak ots egin zuan
Odolez bustitako gurutz undoan.
Ordundik beti
Maitalea da
Gari zurien artean;
Mastian beti
Izkutaturik
Dago ixilik zelatan.
