San Luis Gonzaga-ri
Mendiburu, A. Sebastian
Bear dezun indarra
Jainkoak eman dizu,
San Luis, Zuk iguzu
Zere laguntz eskua.
Nekez zatoz mundura
Amaren sabeletik;
Birjiñ arteko arturik,
Jaio zidan bizia.
Batayoko grazia
Lendanik artu dezu.
San Luis, auk iguzu
Zure laguntz eskua.
Kastellon, ta best erriak
Nai zaituzte Jauntako;
Etzaduzka-orretarako
Jainkoaren gogargiak.
Jesusen Konpañia
Jaunak eman naidizu.
San Luis, zuk iguzu
Zere laguntz eskua.
Aidez-gurasoz etsaya
Dabil zu makurtu naiez;
Zu zabiltza zuzen, aiez
Dezula ez aditu-naia.
Jesusgatik mundua
Lenbait len utzi dezu,
San Luis, zuk iguzu
Zere laguntz eskua.
Jesusen ondotik zu
Zuzen zebiltzan beti:
Konpañian obeki
Lan au zuk egin dezu.
Len ona, emen Santua
Ekus izan zaitugu,
San Luis, zuk iguzu
Zere laguntz eskua.
Jesus nekez betea
Beti dezu gogoan;
Al-badezu soñean
Ordañezko nekea:
Barren kanpoz bai-zara
Aren imajina zu.
San Luis, zuk iguzu
Zere laguntz eskua.
Jesus umill, umill zu,
Bia Aita meneko;
Onen naia are osoro,
Bai zuk ere-egin dezu,
Zere Jesus maitea
Maisutzat artu dezu,
San Luis, zuk iguzu
Zere laguntz eskua.
Jesus amorez urtzen
Aldareko maiean;
Luis komunioan
Aren amorez urtzen.
Bein bata, bein bestea
Erakusle ditugu.
San Luis, Zuk iguzu
Zere laguntz eskua.
Ba-genu guk arrua,
Jesus, zure bidea,
Zure amorez betea
Geneduke biotza,
Ongi zuk ikasia
Ibilliz, utzi dezu,
Sao Luis, Zuk iguzu
Zere laguntz eskua.
Birjiñ Ama maitea
Onetsi dezu beti:
Sar-ba-lekit gaur niri
Beraren amorea!
Erdisteko grazia
Arteko ona zara zu,
San Luis, Zuk iguzu
Zere laguntz eskua.
Zuk eskatua egin du
Jaunak anitz gauz andi;
Orain dago egin-garri,
Eskatzera noan au.
Zuk ala nai dezula,
Gaur nik uste dut artu.
Sao Luis, Zuk iguzu
Zere laguntz eskua.
Bitarteko izan zaitez
Gaur, ta bigar, ta beri;
Ez gu gabe zuk utzi,
Eskatzeko lots-alkez.
Zuk eskatzen dezuna
Jaunagandik badezu,
Sao Luis, Zuk iguzu
Zere laguntz eskua.
Gloriyaz, ta birtutez
Beterik zu Zeruan,
Beterik gu lurrean
Nekez, lanez, naigabez;
Zure bide ber-bera
Gogoz guk artu degu:
San Luis, Zuk iguzu
Zere laguntz eskua.
|