Zer itzal haundia!
Mendiburu, Jean Pierre
1
Zendako uzten nauzu ta norat zoazi?
Maitea, ene ganik horrela ihesi...
Etxekoek ez nahi nerekilan utzi...
Elgarrekin goxoki ginitazke bizi.
2
Euskaldun garbia naiz ez besten izarra
Ta bizitzeko nuke bai zure beharra
Zuk emaiten dauztatzu kemen ta indarra
Gostukoa zu zaitut munduan bakarra.
3
Itzal bat omen daukat eta zoin haundia
Sobera maite omen dut Euskal-Herria
Zer bekatu mortala gure aberria
Maitatzea delakotz espantagarria!
5
Batzu. ariko zaitzu beti bazterretik
Nere ganik urrundu nahiz aintzinetik
Emozute erantzun zuk ere zuretik
Maite nauzula maite ta bihotz barnetik.
6
Jenden erraneri so egon zaite irriz
Eta nere ondora etor zaite berriz
Lehen bezain goxoki ni ganat etorriz
Zurekilan betikotz uros izanen niz.
7
Herria nik sobera maite dutalako
Zure aitamak ere otsoen pareko
Ez ote gira gizon argiz agertzeko?
Ta gure sorlekua ondo maitatzeko.
8
Ez egon jende batzun erraner begira
Jelosiaz gu bien traban ari dira
Zato gostu gostuan gure baserrira
Elgarrekin goxoki biziko baigira.
9
Badakizu jendea zonbat den gaixtoa
Satanen ganik dute batzuek xertoa.
Bazterren nahasteko daukaten gogoa
Ez zirea ohartzen zonbat den xoroa?
10
Zaude nerekin eta etorri gostuan
Bero gaiten biak ber amodio suan
Euskalduna deus ez da batzuen gogoan
Holakoak utz-kitzu etxetik kanpoan.