Xalbador

Mendiburu, Jean Pierre

 1

 Hiru bertsutan "Xalbador" aipa, egin dautazu galdea

 Gutarik eta hartarat bada izigarriko aldea

 Egia erran bera baitzagon dohain ederren jabea

 Giputz-Bizkaiko ta Nafarrako guziak baino hobea

 Bertsulari bat zoragarrla nihun parerik gabea.

 2

 Xalbador zenak bazuen zentzu ausartzia ta kopeta

 Bere herrian joko dut pozik goresmenezko tronpeta

 Bertsularien artean baitzen hura zinezko profeta

 Bat-batekoan arraroa ta bertsu idazten perfeta

 Berdin gabeko bertsulari ta neurri gabeko poeta.

 3

 Euskaraz ere aberatsa zen ta dohatua talenduz

 Haren bertsuak barnakor finak ta barna zeuden zimenduz

 Bere dohaina lantu zuen ta bete zen merezimenduz

 Gaur esker onez hemen gaude gu beraren atxikimenduz

 Haren parerik nehor ez gaude zentzuz eta adimenduz.