Gizon gaia Gipuzkoarra dut

Mendiburu, Jean Pierre

 1

 Gure euskaldun lur garbi huntan nagusitu da laharra

 Amodioa garraitu nahiz hasia zaiku aharra

 Nere begiak nigarrez busti tudana ez naiz bakarra

 Jainko maitea beharrik hor da, badugu haren beharra!

 2

 Gizon gaia dut Gipuzkoarra, aitak ez nahi sinetsi

 Mendiz bertzalde joan naizela nehola ezin onetsi.

 Nere bihotza zabalik dena aitak nahi luke hetsi

 Gauza mingarri izigarri heu nola behar dut iretsi?

 3

 Oraino ere gogoan dauzkat aitaren solas gordainak

 Lehenagoko «etxeko Jaunek» badituzte gaur ordainak:

 Etxeko semek ez zuzten behar andre gaitzat etxezainak

 Lehenagoko akuluekin ditugu gaurko itzainak!

 4

 Jainko bidetik behar ote dut debrua ganat lerratu?

 Amodioaz beterik dutan bihotza herraz kerratu?

 Mundu hunetan badirelakotz zonbait arima herratu:

 Behar ote dut gizon gaiari nere bihotza zerratu?

 5

 Ez ote gira bakotxa gure gorputz ta arimen jabe?

 Aita, zendako ezartzen nauzu hoin trixte ta dohakabe?

 Jainkoa bera ostikatzeaz ez ote zira herabe?

 Zu ere lehen ezkondu zinen nere baimenarik gabe.

 6

 Amodioak ez du mugarik ezin da nihun baratu

 Gauza bakarra hori ditake ezin dena konparatu

 Maitasunaren beroak nau ni aitarekin hortaratu

 Hego aldeko mutil gazte bat dutalakoan maitatu.

 7

 Orai artean ama bakarrik duzu nitaz urrikaldu

 Amodioa SAKRATUA de burua behar apaidu.

 Aita maiteak denborarekin konprenituko ahal du

 Gogor hetsirik daukan bihotza behar duela zabaldu.

 8

 Jaunak estekan ezarria nau amodia gar umilez,

 Maitasun hori kantatuko da eliza baten ezkilez.

 Jo nezatela azotez edo jo nezatela makilez

 Bainan nik dutan amodioa ez dute hilen ni hilez.

 9

 Jainkoak berak hastiro ditu maitasunaren etsaiak

 Berak baitauzki amodiozko iturri zintzo nasaiak

 Otoizten dut nik kanbia ditzan nere aitaren idalak

 Ez ditzadatan aitarik gabe iragan nere eztaiak!

 10

 Ez nuen uste arnodiotan trabarik zitaken guaita

 Jainkoak berak erran,baitauku «bihotzetik elgar maita!»

 Anaier «ANAI» ezin erran ta Jaunari erranez «AITA»

 Nere aitaren molde berean gezurrez artzea baita!

 11

 Nere kasuan gertatzen zaitzun semea edo alaba

 Amodioan hartu bidetik ez zazula otoi traba

 Orroit bakarrik gutarik zonbat mundura zitazken salba 

 Jainkoak berdin trabatu izan balitu ADAM ta EBA?

 12

 Gizonak berak bere burua hola dezake errautsi

 Elizan jauna adora eta etxean debrurat jautsi.

 Jainkoak berak egin duena gizonak ezin du hautsi

 Ene ezkontzak asko jenderi hau behar du erakutsi.