Adixkide bati

Mendiburu, Jean Pierre

 1

 Gehexan Pontto banintz nakike hobeki zutaz mintzatzen

 Merezi eta hartze ditutzun hitz hobeagoz laudatzen

 Dohain ttipia izana gatik bihotzak zer daut manatzen?

 Dutan poxia zu goresteko ibiltzea daut galdatzen.

 2

 Eskualtzaindiak zuzen da erle langileak hauta ditzan

 Kapable diren gizonak hartu ditzala bere gerizan

 Ta zu hortako lehena zira kanpoan ala elizan

 Eskualtzaindian eskualtzain osa hoberik zonbat da izan?

 3

 Jar-alki hortan hartu zaituzten jaun ospetsuer eskerrak!

 Eskualtzaindiko iker-lanetan ez baitira gai alferrak

 Eskual-Herriak izanen ditu gerore egun ederrak.

 Jtzain bat eman daukutelakotz Baigorrik eta Aiherrak.

 4

 Apez, euskaldun, euskaltzalea, ta euskaltzain osoari

 Zintzoki eta bihotz erditik goresmenez naiz kantari

 Berak baitzion bere kargua zor duela Aiherrari

 Aiherra zonbat zordunago da beraz bere ertorrari?

 5

 Bare herriko kantari talde ederraren sustatzaile

 Eliza kantu altxagarria ta zoragarrien sortzaile

 Fededun otoitz, koralen pesta, ta kaseta moldatzaile

 Berak ere ez dakike zonbat den bokario emaile.

 6

 Kermeza edo Trinketa pesta moldatzen du urte oroz

 Euskaldungoa bere zainetan barna sendi duelakotz

 Pilotariak noiz-nahi eta bertsulari batzu Bazkoz

 Apez guziak hoin aberatsak balire bihotz ta gogoz!

 7

 Bertsularien sustatzaile ta laguntzailetan lehena

 « Herrian u ere hainbertze bertsu argitara dituena

 Kultura sail horrendako badu atxikimen haundiena

 Funtsean ez ote dugu bera bertsulari hoberena?

 8

 Merezi eta hartze zinuen saria eman dautzute

 Hori eginez zure ta gure bihotzak bete dituzte

 Mendiz bi aldetarik etorriz zu gana zahar ta gazte

 Ongi frogatu izan dautzute denek zaituztela maite,

 9

 Jean-Louis Davant ere berriki sartua zure sail hortan

 Bertze hirure ezarri tuzte Emile Larrekin betan

 Lantziri, Kanblon eta Goienetx euskaltzain laguntzailetan

 Gure Euskaldun Akademia ez dago esku txarretan.

 10

 Behar bezala ezin da mintza hitzak hoinbertze negurtuz

 Nik gehiago erran nahi ta doua beti laburtuz

 Zure fagorez kantuz hasi naiz mila goresmen bihurtuz

 Besarkada bat eskaintzen dautzut bihotz erditik agurtuz.