Erroman ta Parisen

Meagher, P.

 Erroman ta Parisen

 Jerez-en dagoan

 Ardoaren usaia

 Daukate gogoan.

 Monjac eta frailliac

 Baita ere abadiac

 Guzti-guztiyac dira

 Ardoaren zaliac

 Ez du teologoric,

 Ez filosoforic,

 Ardoari neurriya

 Artutzen diyonic.

 Gizon andiyac ere

 Ikusi ditut nic

 Eren moskorra ezin

 Disimulaturic.

 Gizon bat ardo bage

 Dago erdi-illa

 Marmar dabiltza tripac

 Ardoaren billa,

 Baña edan ezkero

 Ardoa chit ongi

 Gizonia chatarrenac

 Baliyo ditu bi.

 Edari gustosoa

 Matsaren sumua,

 Onec daduka orain

 Galduric mundua.

 ¿Naparrac zer lirake

 Ardoric ez balitz?

 Beste indarric bage

 Guztiz dira bortitz.