Zorionak iza
Matxain
-1-
Iruroegita bost urte bete
oraindik alazankua,
lagun zar Iza, ematen dezu
zuk berrogei urtekua,
ibilkari gogorra,
ta euskaldun jatorra
ez gizen ta ez plakua,
gizon jakintsu asko bezela
Bergaran jaiotakua.
-2-
Gaztea zala joan zitzaigun
Madrid aldera iesi,
mundu berriak nai zituan
berak dionez, ikusi;
pelukeri batean
ogeita bost urtean
lan asko egiņaz bizi,
erretiro on bat ez ote zuan
gure gizonak merezi.
-3-
Opizioz, ba pelukerua
lan ortan badu gogua
Madrid aldian artuta zegon
izugarrizko gradua.
Zineko artistari,
marques ta kondesari
bapo apainduz burua
lagun zar onek aseguratu
du ederki zartzarua.
-4-
Jende aundiaz aspertu zan da
etorri zan Donostira,
geroztik emen errege baten
moduan bera bizi da,
ondo jan eta edan
Anastasion bodegan;
jaietan berriz mendira,
makilka ere etzaigu juango
ori geiago madridera.
-5-
Jai batean Irun joko du
ta urrengoan Alkiza,
bere garaian ekartzen digu
guri makiņabat ziza,
nun da gaixo ez dagon
geldi ezin da egon,
artzai zakurraren gisa
gizon gogorra dago oraindik
gure Tiburtxio Iza.
-6-
Lagun zar Izak ez leike esan
nere ustetan iņola
erretiroa sasoia juanda
gero iritxi zaiola,
askok esaten dute
orain ogei bat urte
baiņo obeto dagola,
Urbiaraiņo oņez joateko
etzaio asko ajola.
-7-
Edade ortan danak eztute
izaten suerte berdiņa,
Geienak naiko ajiatuak,
zu berriz gizon gordiņa;
txanpon batzuen jabe
eta ajerik gabe
auxe suerterik aundiņa;
egia ote da Iza zerala
orrenbeste lan egiņa.
|