Pobreak eta aberatsak
Matxain, M.
-I-
Adan da Ebak artu ziguten
lenengo bide okerra,
geroztik emen badabilkigu
jaunak, katramil ederra,
tiroz berdin guk iltzen ditugu
gizona eta eperra,
pake urtean gaudela baiņa
bazter guzietan garra.
-II-
Mundu triste au nola dagoan
guziok gera testigu,
alare Jaunak ez du bialtzen
merezi ainbat kastigu.
Danon onean lege batzuek
emen ipiņi dizkigu
eta betetzen ez diralako
gerrak etortzen zaizkigu.
-III-
Nik pentsatzen det aundikeriak
mendean artu gaitula
eta barruko maitasun garra
berak itzaldu digula.
Gaur indartsuak mendekoari
egiten diote burla:
onelakorik kristau errian
ez zuan bear sekula.
-IV-
Aundikeriak jota gaude gaur
tontoak eta listoak,
ezerez batzuk geranok eta
gerran dabiltzan kintoak,
Kriston ordezko diran apaizak,
baita ere obispoak,
eta munduan agintzen dauden
errege ta ministroak.
-V-
Danok nai degu al dan azkarren
bete geronen kartera,
naiz diru oiek gure anaien
kopetetikan atera.
Aurrerapen da komodidade,
danak ekarri etxera.
Iņork ez degu emen bizi nai
Jesus Aurraren antzera.
-VI-
Gure barrua gizon geienok
daukagu pipiak joa,
Kristoren ordez maite deguna,
dirua eta lujoa.
Nor oroitzen da goseak iltzen
dagon Afrika gajoa?
bertan lurpera dijoa.
-VII-
Gure mundu au feri bat bata,
Janaren faltan milloika aurtxo
egin ezkero lau txanpon
geientsuenak esaten degu;
portatu zaigu San Anton.
Zer ajola du goseak iltzen
egon Afrika ta Japon.
Gure zakua bete ezkero
gaiņontzekoak or konpon.
-VIII-
Erri batzuek goseak iltzen
izugarrizko pobrezan
ta kristau asko joyaz beteta
amabietako mezan.
Sobre daukanak ez badu ematen
ez daukan arrek jan dezan,
kristaua danik iņon aurrean
Jainkoagatik ez esan.
-IX-
Pekatua da jai egunean
mezatara ez joatea,
zer esanik ez Jaunaren aurka
itz larriak esatea.
Pekatua da lizunkerian
lokaztuta egotea.
Ta aundiena sobre daukanak
pixka bat ez ematea.
-X-
Gure diruak zabaltze orrek
gaur ematen digu miņa,
baiņa ez luke orrela bear
kristau zintzoak bagiņa.
Amar aginduz osatuarren
Jesukristoren dotriņa
lagun urkoa maitatzea da
eginkizunik aundiņa.
