inprimatu
Pelota elkartea
Izenburua:
Pelota elkartea
Sinadura:
Matxain, Manuel
Urkizaren iruzkina:
Egilea(k):
Matxain, Manuel

Argitalpena:
Zeruko Argia.
Urtea:
1975
Argitalpenaren urtea:
Alea:
648.zk.
Orrialdea:
2

 

 

 

 

faksimilea ikusteko


Pelota elkartea

 

Matxain, M

 

 -1-

 

 Bertso batzuek jartzera nua

 borondaterik onenez

 gure lurrean jokatzen degun

 joko zarrenen omenez.

 Pelota eta bertsolaritza

 errien muiņa diranez

 gaur oso pozki ikusten ditut

 elkarri esku emanez.

 

 -2-

 

 Bertsolarien sariketa au

 jarri digute udaran

 lanez gaiņezka gabiltza eta

 ezin idatzi patxaran.

 Baiņa pelota nola neronen

 oso gustoko lana dan

 ale batzuek jarriko ditut

 naiz saririk ez eraman.

 

 -3-

 

 Berrogei ta amar urte juxtuak

 elkartasun bat sortu zan

 bide berriak urratuz gure

 pelotak jarraitu zezan.

 Ordutik onuntz zer gertatu dan

 bertsotan nai nuke esan

 len ere zerbait egiten zala

 jendeak ikusi dezan.

 

 -4-

 

 Lopetegi jaun agurgarria

 ta Peņa dauzkat goguan

 zorionean jarri ziranak

 elkartearen buruan,

 pelotariak ez ibiltzeko

 ardi galduen moduan

 era ortako erabaki bat

 artu bearra zeguan.

 

 -5-

 

 Elkarte orri esker indartsu

 dago pelota jokua

 kostata baiņo ari da artzen

 merezi duan lekua,

 bere garaian egin zitzaion

 bearrezko zan txertua

 gaur eten gabe ematen digu

 mundu guzian frutua.

 

 -6-

 

 Bat igotzeko ez det lurrera

 botako beste jokorik

 kristau jatorrak ez du egiten

 beiņere orrelakorik,

 baiņa egia aitortzeko guk

 ez degu bear lotsarik

 kirol bezela ez dago iņun

 pelota bezelakorik.

 

 -7-

 

 Indartsu dator euskaldun batzuk

 erein zuten azia

 bereganatu ditu pelotak

 Amerika ta Asia,

 kirol onena gurea dala

 konturatutzen asia

 zorionean ez ote dago

 oraintxe mundu guzia.

 

 -8-

 

 Gure joko au indartzen danok

 egin bear alegiņa

 bera dalako kristau askoren

 poza eta atsegiņa,

 San Luis ere, libre zanean

 amaika saio egiņa

 joko au bai da izkuntzan gisa

 iņun sortu dan garbiņa.

 

 -9-

 

 Egun batean galdetu zien

 gure santu gazteari

 une artantxe ta bildurrik

 al zion eriotzari:

 erantzun zien amar minutu

 gelditzen bazaizkit neri

 oraintxe arte bezela nai det

 pelotan jokatzen segi.

 

 -10-

 

 Zerbait aparta berakin badu

 gure pelota jokuak

 bestela nola ainbat lagundu

 berari gure jainkuak.

 Emen lurrean ortan jostatzen

 baldin baziran santuak

 gure jolasa nolakoa dan

 ortik atera kontuak.

 

 -11-

 

 Gaur deportista asko dauzkagu

 jator da egiazkoak

 bapo goraltzen ari diranak

 gure eztai urrezkuak.

 Punta, remonte eta nola ez

 pala ta eskuzkuak,

 danen txapela ekarria du

 aurten gure Gipuzkuak.

 

 -12-

 

 Beste amabi bertso jartzeko

 nago asmoa artuta,

 kezka aundi bat daukatelako

 nere barruan sartuta.

 Ta gauza onek nere biotza

 dauka erditik lertuta,

 pelota ere ez ote dagon

 negozio biurtuta.

 


inprimatu