Orain berrogei urate gu nola

Matxain, Manuel

 -1-

 Orain berrogei urte gu nola

 izaten giñan Aiete'n,

 al dan modurik onenean ni

 astera nua esaten.

 Aietearrak eliza baten

 premi aundia zeukaten,

 laguntza askok eskeñi baña

 iñork etzuan ematen.

 -2-

 Pulamentuzko eskolik etzan,

 gure fedea auldua,

 euskera berriz aurtxo txikien

 ezpañetatik galdua.

 Bi gauza auek lur jo baño len,

 zorioneko ordua!

 aingerutxo bat etorri zaigu

 gure Jaunak bialdua.

 -3-

 Oso ezagun degu guziok

 «Villa Emma» jauregia,

 aingeru ori bertan bizi da

 Frantzia'tik etorria.

 Bere izatez frantsesa baña

 maite du bertan bizi da

 bere kontura eginda dago

 gure eliza berria.

 -4-

 Gure jainkoak gizon jator bat

 ipiñi zion onduan,

 bien biotza nolakoa zan

 ondo ikusi genduan.

 On egitea beste gauzarik

 etzegon oien buruan,

 orrelakoak gaur oso gutxi

 ikusten dira munduan.

 -5-

 Kulturik eza txarra baitegu

 erriak aurreratzeko,

 elizakin bat agindu zuten

 eskola ere egiteko.

 Nola etzeuden fedea eta

 izkuntza galtzen uzteko,

 apaiz jaun bati deitu zioten

 danori erakusteko.

 -6-

 Apaiz gazte au andoaindarra,

 Don Zezilio izena,

 Agirre berriz apellidua

 edo bere abizena.

 Konpesorea aparta da ta,

 eskolan maixu zuzena,

 nik ezin neurtu aietearrak

 berari zor diotena.

 -7-

 Aiete oso atzera zegon

 bera etorri zanean,

 ba-dakizute zer izaten dan

 eskolarik eztanean.

 Iritxi eta berealaxe

 gogor asi zan lanean,

 nunbait gorputza ezta nekatzen

 gustora dabillenean.

 -8-

 Ainbat mutiko emen zeudenak

 len oso atzeratuak,

 berari esker ikusten ditut

 gaur guziz aurreratuak.

 Lantegi onak artu dituzte

 Opizina ta Bankuak,

 Don Zezilio'ri zer zor diogun

 ortik atera kontuak.

 -8-

 Euskaldun jator eta zintzoa

 Euskalerria'n bat bada,

 oraintxen era ala izango da

 oso mudatu ezpada.

 Gerra zala ta juan zitzaigun

 Bizkaia'ko lurretara,

 etzait aztuko an ikusita

 eman nion besarkada.

 -10-

 Ikusi gabe egondua naiz

 ia ogei bat urtean,

 baña ba-nekin nola zegoan

 Lekeitio'ko partean.

 Emen bezela, beti lanean

 aurtxo txikien artean,

 Ea izenez ezagutzen dan

 erri atsegin batean.

 -11-

 Aietearrak eztira aztu

 berrogei urte buruan,

 barrio danak eskeñi dizu

 oroigarri bat lenguan.

 Bertso batzutan al zan modura

 bertan azaldu genduan,

 egin zitzaizun omenaldia

 ondo merezi zenduan.

 -12-

 Don Zezilio'kin, egia esan,

 aspaldi zorretan nengon,

 gizona berriz era ortara

 eztiteke ondo egon.

 Len aurrez-aurre bertso batzuek

 emen kantatu nizkion,

 orain paperez bialtzen dizkat

 berriro milla zorion.