Maitxainen gorabeerak
Matxain
I
Ni baldar xamar ibilia naiz,
jaunak, oraingo aldian:
orregatik mututurikan
egona naiz aspaldian.
Lagun batzuek or ari dira
nola nagoen galdian.
Nere berriak emango ditut
orain Zeruko Argian.
II
Residentzian igaroa naiz
illabete bat bapua,
izorratuta eduki bai det
nik ezkerreko zankua.
Emen besterik ez da entzuten,
negarra eta lantua.
Arro geranak umildutzeko
ai zer nolako lekua.
III
Etxe ontara asia nago
etortzen bastante maiz:
meniskoakin lenengo eta
barizarekin bi aldiz.
Lagunak ditut mediku jaunak,
enfermera ta apaiz,
baiņa alere oraingo ontan
larririk ibilia naiz.
IV
Izugarrizko barizak neuzkan
eta gaiņera ultzera.
Lagun ederrak ez dira auek
gizonarentzat zartzera.
Anka moztuko ez bazidaten
nere aitaren antzera,
presaka xamar etorri nintzan
aje guziak kentzera.
V
Mundu onetan izango dira,
noski, milla gaitz klase,
batzuk gogorrak eta besteak
sendatu berealaxe.
Guretzat nunbait egiņak dira
zorion eta oiņaze.
Eta guziak igaro bear
guk, datozen bezelexe.
VI
Nere zain denak ixtar gaiņetik
ateratzen banan-bana
pazientziaz aritua da
Bereziartua jauna.
Esan bearrik ez dago ori
sendagille ona dana,
baiņa alaere izango zuan
iru bat orduko lana.
VII
Azpeitiko lur santutikan
zatozen izar argia,
sendagillerik onen onenen
parean zaude jarria.
Ikusi gabe ezin sinistu
izan leikenik egia
egun batzutan nere ankari
egin diozun aldia.
VIII
Perez Iņigok eta zuk zaintzen
dezute bigarren planta,
gaur sala ori artuta dago
danean fama galanta.
Millaka gera gaur gabiltzanak
zuek primeran lagata,
ta bakarren bat juan bada ere
ez da izan zuen falta.
IX
Oso maiteak zerate biok
dalako planta orretan.
or gaixo egon geran guziok
zuekin gaude zorretan.
Denborarekin seguru nago
Residentziko ormetan,
bion izenak jarriko dira
urre gorrizko letretan.
X
Aingeru batzuk esan didate
artu omen dutela min,
etxerakoan ez bainioten
danari agurrik egin.
O, enfermera biotzekoa!
egun batzuek itxoin,
tarta pare bat artuta aurki
azalduko da Matxain.
