Lazkao Txikiri
Matxain
-1-
Eratzalleak pasa dituzte
bi edo iru antzoki
ederrak baiņo iņun az dago
bear dan ainbeste toki;
asmo berriak artu dituzte.
nere ustetan egoki
Balda frontoia izango degu
zure lagunen biltoki.
-2-
Lazkao Txiki biotzekoa
zugana nator kantuan
gaur itz batzuek barruan baino
obeto daude kanpuan;
bultoz aundia etzera baiņa
iritxi zeran lekuan
aundiak aiņa luzitu dezu
beti oraindaņokuan.
-3-
Esan bezela bultoz aundia
etzera izango baiņa
gizatasunez ez da erreza
izaten zu zeran aiņa;
egien alde bildurrik gabe
dantzatu dezu mingaiņa
orain erriak ematen dizu
merezi dezun ordaiņa.
-4-
An eta eman zuk eman dezu
bear zanean arpegi
batzuk'beldurti jokatu degu
eta zuk berriz piņegi;
Euskalerrian zear esana
zera zu millaka egi
bide jatorra ori da eta
luzaro bertatik segi.
-5-
Irakurri det bertso kantatzen
aspertu zerala ia
ezin sinistu aibiste ori
izan leikenik egia;
Amets txar ori izan badezu
lenbailen egin berria
zu entzuteko amurru biziz
dago ta gure erria.
-6-
Andaluzian maite dituzte
kitarra eta zezenak
bertsolariak guretzat berriz
iņungo jairik onenak;
an goiko maillan egongo dira
toreroaren izenak
ta eman berriz zertan ukatu
gure bertsolarienak.
-7-
Nik toreroak ikusten ez det
beiņere gastatu xoxik
egia dana aitortzeko guk
ez genduke bear lotsik;
igandean bai Balda frontoira
inguratuko naiz pozik;
euskaldunentzat ez dago iņun
ortaka plaza torosik.
-8-
Bertsolariak beti beartsu
toreroak aberastu
baiņa erriak biotzez maite
ta iņola ezin aaztu;
jalean ere seguru nago
egingo nuke apustu
txaloa pranko jotzen dizula
maiz belarririk ez moztu.