Ez ote partidu geiegi
Matxain
Nun demontretik sortu zaikigu
emen orrenbeste "ista"?
Nere aurrean jarria daukat
nik berebiziko lista,
ta gauza onek nere buruai
kezka batzuk sortzen dizka,
ez ote dagon partidu asko,
baiņa oso buru pixka
Gure erriak nere ustetan
pauso txarra eman digu:
ez ote ziran emen naikoak
izango bi edo iru ?
Frankista oiek, gu ikusita
sortzen ainbeste partidu,
beti bezela disimuluan
parrezka ari zaizkigu
Partidu asko sortzea emen
frankistarentzako obe,
era ortara beti izango
gera gu oien mirabe
oso zaila da nere ustetan
guziok alkartu gabe
iritxitzea gu izatera
gure buruaren jabe
Fraga ta Morak sortu digute
Alianza popularra:
frankista eta bankero batzuk
da oiek duten indarra,
baiņa lenengo politiko au
nola dan oso azkarra,
oien aurka guk borrokatzeko
daukagu batu bearra.
Berrogei urte luzean emen
guri agintzen egonak
gaur demokrata biurtu dira
ala dira beintzat sonak.
Lenago txarrak baldin baziran
orain ezin izan onak
ta gutxiago txaketa orla
aldatzen duten gizonak.
Itzegiten bai azkarrak dira
ta lanerakoan tongo,
lukainkan ordez sartu digute
guri amaika mondongo.
Gure erria esan bezela
zaindu baziguten ondo
orain ez giņan milloi askoren
zorrak eginda egongo.
Alperrik dira agintariak
egiten dituzten itzak
ondorenean ez badituzte
esanak betetzen beintzat.
Zer gizon klase gauden gu emen
ederki daki Suizak:
ango bankuan bai-daude emen
bear ginduzen dibisak.
Badakizute auteskundeak
aurki guk nola ditugun:
joaten bagera, gure indarrak
danok bat egin ditzagun:
ordua data asi gaitezen
gauzak egiten sosegun
lurperatuta dagon erri au
pakean jaso dezagun.
Frankok zionez utzi ginduzen
guziok ondo lotuak,
kate oik aixa autsi ditezke
gu joan ezkero batuak.
Utzi ditzagun sakabanatzen
gaituzten ume kontuak
ta egiazko demokratari
eman geronen botuak.
Antifrankistak bildu gaitezen
danok partidu batean,
gero aldana egingo degu
oiek emendik joatean.
Batasunaren premia dago
oraintxe gure artean,
bestela ez da askatasunik
beste berrogei urtean.