Ez gaitu gustora utzi
Matxain
-1-
Illabete bat pasa ondoren
itzaldi luze baten zai
aitortu bear gutxi direla
gelditu diranak lasai,
Demokrazia ogei bat aldiz
berak aitatu digu bai,
baiņa bear dan pausorik orrek
aurrera ez du eman nai.
-2-
Nik uste nuan gauzak garbi
azalduko zituala
ta ikusi det len bezin illun
danak utzi dituala,
erriak zion oraingo ontan
zerbait egingo zuala
argi dago bai, Bunker orretxek
oraindik indar duala?
-3-
Egia esan Bunker orretan
nik ez dakit nortzuk dauden
baiņa uste det oiek oraindik
agintzen dutela emen;
lenago dudik bazegon ere
ikusi degu nabarmen
Arias jaunak eskeiņi degun
itzaldiaren ondoren.
-4-
Kuadrilla orain ez dagoana
beretzako da gorria
ta gauza onek ematen dio
berebiziko larria,
baiņa oraintxe bi ezpataren
erdian dago jarria
bietatik bat aukera bear
Bunkerra edo erria.
-5-
Bietatik bat aukera zazu
ez dago beste biderik
bien besotik ez dagolako
emen ikora joaterik,
itzaldi ontan etzaizu eman
nora zoazen tankerik
ez dezu esan zuri komeni
zitzaizun ura besterik.
-6-
Guk ezin jakin gobernu ortan
zer asmo artu dituzten
baiņa guretzat ona danikan
bakar bat ez det ikusten,
orain bi urte kanta berdiņak
or erabilli zituzten
eta erria aspertu zaigu
beti kontu bat entzuten
-7-
Anistia ta elekzioak
guk nai ginduzke iritxi
baiņa beldur naiz ez ote diran
ateak berriro itxi,
Arias jaunen itzaldi onek
ez gaitu gustora utzi
itz eder pranko esan du baiņa
probetxukorikan gutxi.
-8-
Bi gauza auek eskatzen ditu
orain Europa Batuak
alde batera uzteko gure
burruka ta gorrotuak,
elekzioak libreak eta
libreak sindikatuak
eta erria gobernatzeko
erriak aukeratuak.
-9-
Arias jaunak ori badaki
gaur iņok baiņo obeto
erri libre bat bear degula
besteakin bat joateko,
ez ote dira bi gauza oiek
emen denboraz beteko
guk ain maitea degun erria au
zoriontsu egiteko?
-10-
Nik gaur eskatzen dedana noski
ez da izango erreza
orretxegatik agindu dizkat
San Antonioi bi meza
sindikatoak ta presoak libre
ta zer esanik ez prensa
orixe baiņa milloika askok
egiten degun ametsa.