Esker onez
Matxain
1
Gutxien uste nuan garaian
ernia txar bat atera
amabi egun gaixo egon da
etorria naiz etxera.
alperkeriak utzi ta artu
ditut luma ta papera
eskertu nairik residentziko
Mediku ta enfermera.
2
Len bigarrena zan bezelaxe
orain irugarren planta
gaixo artean ari da artzen
danean fama galanta
ni naiko triste etorria naiz
residentzia laga ta
ia etxean baņo obeto
bat bertan egoten da ta
3
Eskarrikasko Fani ta Misen
eskerrikasko Loreto
aingeru batzuk zerate danok
ori ba-dakit zierto
marmarka iņoiz jardunagatik
bi edo iru paleto
zuek gaixoa zaintzen dezute
etxean baņo obeto
4
Zuek lanean ba daukazute
jakinduria ta maiņa
orratz batekin egoki asko
zulatzen dezute zaiņa
farmako eta penizilinak
oso onak dira baiņa
oiek ez dute balio zuen
irripar goxoak aiņa
5
Lagun urkoa zuek maitatzen
dezute noski benetan
bere ondoan zintzo egonaz
egunan ordu danetan.
Mediku jaunak lasai lo egin
dezateke bai gauetan
beren gaixoak dauzkatelako
zearo esku onetan.
6
Perez Iņigo daukate buru
gizon jakintsua bera
ni lau alditan egona naiz ta
ondo ezagutzen gera
beretzat berdin, gibel da saiets
ernia edo ultzera
egun gutxian sendatu eta
bialtzen ditu etxera.
7
Perez Iņigok ba-ditu noski
prueba ederrak emanak,
zer egin ondo jakiten baitu
talentuz osatzen danak.
Arrigarriak dira askotan
egin izan ditun lanak
ori ederki dakigu bere
eskutan jarri geranak.
8
Bildurrik gabe eltzen diozu
Iņigo jauna lanari
zure laguntza eskeiņi nairik
premian dagon danari.
Zure labanak egiņak ditu
emen zientoka mirari
gure Jainkoak gorde dezala
luzaroan esku ori!
9
Bere laguna lanerako da
Bereziartua jauna
Euskalerrian zear au ere
degu oso ezaguna.
Donosti, kosta, eta Azpeiti
aldean oso entzuna
berari esker lortua baitu
gaixo askok osasuna.
10
Biak mediku apartak dira
arrigarriak lanean
bat trankil egon diteke oien
eskutan jartzen danean,
berdin gaitzikan ariņenean
edo ta gogorrenean.
itxu itxuan joan oiengana
zedozer datorrenean.