Erroma'ko bixitari
Matxain, Manuel
-1-
Borondaterik onenarekin
jartzera nua bertsoak,
adierazteko lengo astean
gertatu diran kasoak.
Geiago emen ez izateko
odolezko erasoak,
Erroma aldera etorri dira
agintari errusoak,
pakean alde eman naiean
bertan lenengo pausoak.
-2-
Pauso luzeak eman ditugu
orain aurrerapenetan,
ta batez ere gizonok alkar
azkar iltzeko gauzetan.
Gure barruan pentsamentu bat;
beste aldera izketan,
lagun urkoa guk aintzakotzat
eztegu artzen ezertan,
gizaldi ontan au gertatzea
lotsagarria benetan!
-3-
Katoliko ta eztiranak
beti gabiltza muturka,
orregatikan sortzen zaizkigu
emen ainbeste burruka.
Aita Santuak zer gertatzen da
ederki ikusten du-ta,
Ixildu gabe Erroma'tikan
ari zaigu erreguka,
beti besteri ez botatzeko
gure pekatuen kulpa.
-4-
Arrokeriak utzi ditzagun
Zoriak eta gorriak,
pake santuan bizi gaitezen
mundu ontako erriak.
Pozgarri dira Erroma'tikan
zabaldu diran berriak;
Errusitarrak baldin badaude
gerraren aurka jarriak,
biotz biotzez opa dizkiet
nere ongi etorriak!
***
MAMO WOLDE'RI
-1-
Arriturikan egondu gera
zu korrika ikusita,
Pama aundiak dauzkatzu baņa
danak ondo merezita.
Iru alditan egin diguzu
Donosti'raņo bixita;
prantzes ta ingles, belga ta ruso,
danak atzean utzita,
Euskalerritik joaten zera zu
beti txapela jantzita.
-2-
Mutil bizkorrak izaten dira
Belgika'n eta Prantzia'n,
zer esanikan eztago berriz
Inglaterra ta Rusia'n.
Ederki asko ikusi degu
guk Lasarte'n gaur goizian;
bedi berdiņa edo aldapa,
motxean eta luzian,
kontrariorik eztaukazula
korrika mundu guzian.
-3-
Gure erria maite dezula,
ortantxe seguru gaude,
orregatikan lur maite ontan
ain ixtimatua zaude.
Jantzi dituzun txapel oietan
euskaldun biotzak daude;
ta erregu bat egiten dizut
orain zuri, Mamo Wolde,
zure etxera eramatean
kutxa urrezkoan gorde.
***
MAIZ'I
-1-
Mundu ontako berrogeitamar
onen onenen artetik,
Gipuzkoarra aterea da
bigarrena Lasarte'tik.
Mutil bizkorra eta trebea
jetxi da Aia aldetik;
zer egingo dun eztakit baņa
zer egin zuan ba-dakit,
galanki jota bat bakarrikan
etorri zaio aurretik.
-2-
Nere ondoko neskatxa batek
besteari ala zion,
Joxe Migel au bezelakorik
mundu guzian etzion.
Neronek ere egia zala
gustora aitortu nion
ta nere itzak eztakit orri
animoa eman dion,
berak jo zitun txaloak ondo
entzungo ziran Ernio'n.
-3-
Otsailla'ren bostean berriz
Urnieta jo genduan,
Lasarte'n ezik antxen ere zuk
zerbait azaldu zenduan.
Gipuzkoa'ko txapela orain
zuk Jantzi dezu buruan
urte batzutan dagola uste det
ori leku seguruan,
Espaņia'ko txapela ia
jazten dezun urrenguan.
-4-
Nere zorion biozkorrenak
Maiz'i eta Agilar'i,
Gipuzkoa'ren izena oiek
goraltzen baitute sarri.
Biok lagunak zerate eta
beti lagunduz alkarri,
illan bostean ez utzi artzen
zuek aurrerik iņorri,
bata ezpada bestea beintzat
txapelarekin etorri.
