Danok dakigu Adan eta Eba'k
Matxain, Manuel
1
Danok dakigu Adan da Eba'k
izan zuten utsegiņa,
Egun artantxe galdu ziraden
pakea ta atsegiņa.
Geroztik emen eztegu palta
gerra, naigabe ta miņa,
ori bakarra balitza utsa:
ondorengoa jakiņa...
Ondo betetzen eztunarentzrat
Jesukristo'ren dotriņa.
2
Gure Jainkoak amar agindu
danori dizkigu jarrik,
Dakizutena, gazte maiteok,
eztaukat esan bearrik.
Zeruratzeko, nere ustetan,
bide bat dago bakarrik;
Griņa txarrari ez utzi artzen
zuen barruan indarrik,
Gero bestela botika danak
izango dira alperrik.
3
Osasuna da mundu onetan
dagon gauzikan onena,
Pakea eta anaitasuna
nere ustetan urrena.
Diru atzetik alare dabill
orain jenderik geiena;
Lapurretari negoziua
gaur jarri zaio izena,
Kristau batentzat, zeruratzeko.
au ezta bide zuzena.
4
Griņa txar asko indartu dira
ta ezin ditugu ezi,
Oiek barruan dauzkagun arte
eztiteke ondo bizi.
Geren burua maitatzen degu
emen geienak lenbizi,
Lagun urkorik geu-baņo obeto
ez genduke nai ikusi,
Aundinaia ta lizunkeriz
jarri dirade nagusi.
5
Kanpo aldetik etorri dira
gaur amaika moda zikiņ,
Euskalerrian gustora dabiltz
batzuk oitura oiekiņ.
Gizasemeak ille luzea;
emakumea-k galtzakiņ,
Negar malkoak irteten zaizkit
neri pentsatu utsakiņ...
Santu egiten eztago errez
ikusten diran gauzakiņ!
6
Aragiari baldin segika
asten bazera gazterik,
Zure barruan ezta izango
ia beņere pakerik.
Egi triste bat ezta komeni
azaldu gabe uzterik,
Sendaetxeak arkitzen dira
mutill da neskaz beterik,
Pekatu onek eztu ekartzen
negar samiņa besterik.
7
Lagun maite bat ikustearren
atzo izan naiz klinikan,
Nere denboran eztet artu nik
orrenbesteko penikan.
Aren esanak gogoan artu,
ta irten nintzan andikan;
Len ain sasoiko banintzan ere
gaur ezin egon zutikan...
Lizunkeriak eztu ekartzen
beņere gauza onikan!
8
Dirua eta beste gauz asko
gaur ibiltzea aukeran,
Nik pentsatzen det gaztearentzat
askotan kalte ote dan.
Nere burua ikusirikan
orain dagon egoeran...
Milla bider ni gogoratzen naiz
lengo zarren esaeran:
"Esan zaidazu norkiņ zabiltzan:
esango dizut nor zeran".
9
Lagun txarrekin juntatu eta
okertu nintzan zearo,
Guziz apala edo umilla
izandakoa lenago.
Zigor ederra gaņean daukat,
merezi nuen geiago;
Erruki pixkat nundik izango
begira jarria nago,
Gaizki bizitzen danarentzako
azken onikan eztago.
10
Oso arroa nuen gorputz au
dana egin zait zauritu,
Ankez elbarri, eta besoak
iņora ezin mugitu.
Begietako indarrak juan:
belarriz ezin aditu,
Sei illabete paseak dira
ni ez naizela zutitu...
Orrax mutilla ezertarako
gauza eztala gelditu.
11
Gazte denbora baldin bi aldiz
pasa bear bagenduke,
Nik urrengoa beste eratan
ziur jokatuko nuke.
Oraindik bete gabea nago
ogeitemezortzi urte,
Ta irurogei ote dauzkadan
geienak esaten dute,
Orra zer sari etorri zaidan
atsegin batzuen truke!
12
Gazte maiteok, baztertu beti
pekaturako bideak,
Galeraziak dauzka zearo
Jaungoikoaren legeak.
Eba bezela etzaitzatela
gaur engaņatu subeak;
Txit onak izan etzeratenak
saia izaten obeak,
galduko ditun loreak.
Ez izan beintzat lenengo intzak