inprimatu
Bertso berri batzuek
Izenburua:
Bertso berri batzuek
Sinadura:
Matxain, Manuel
Urkizaren iruzkina:
Egilea(k):
Matxain, Manuel

Argitalpena:
Zeruko Argia.
Urtea:
1968
Argitalpenaren urtea:
Alea:
271.zk.
Orrialdea:
2

 

 

 

 

faksimilea ikusteko


Bertso berri batzuek

 

Matxain, Manuel

 

 -1-

 

 Bertso berri batzuek

 nai ditut ipiñi,

 ta nere bi laguni

 biotzez eskeñi.

 «ZERUKO ARGIA'tik»

 esango det zeñi,

 Joxe Lizarazu ta

 Manuel «Urtain'i».

 

 -2-

 

 Kontratista azkarra

 iñor bada, Joxe,

 onezkero egin ditu

 iru milla etxe.

 Apizio berria

 artu du oraintxe,

 Kojuaneko Justo

 jauna bezelaxe.

 

 -3-

 

 «Urtain» berriz altxea

 eun milla arri,

 orain bozeadore

 nai digute jarri.

 Laguntzalle jator bat

 irten zaio orri,

 laister emango det nik

 guziaren berri.

 

 -4-

 

 Anastasio'n bodegan,

 lengo astelenez,

 bapo ibili giñan

 antxumea janez.

 Denbora joan zitzaigun

 kontuak esanez,

 ta geren iritziak

 alkarri emanez.

 

 -5-

 

 Batzutan ezta errez

 ixilik egoten,

 ta, alako batean

 galdetu nioten:

 mundu guzia nola

 ari dan esaten,

 bien artean ia

 zer tratu daukaten.

 

 -6-

 

 Entzutekoa, noski,

 Joxe'n arrazoia,

 mantendu ta jornala,

 Otelean oia.

 Batek dirua jarri,

 besteak sasoia,

 nagusia añean

 ba-dago morroia.

 

 -7-

 

 Tratua egin zuten

 ta lanean ekin,

 entrenatzen or dabill

 zuri ta beltzakin.

 Nora iritxiko dan

 Jaungoikoak jakin,

 ezta ezer galduko

 prueba egiñakin.

 

 -8-

 

 «Urtaindar» oiek dira

 odol berokoak,

 pruebak emanak daude

 beren aurrekoak.

 Ordua orain da-ta,

 gero gerokoak!

 Manuel, zintzo egin

 agindutakoak.

 

 -9-

 

 Euskalerri guzia

 daukazu peskizan,

 danak jakin baitute

 orain zer zabiltzan.

 Uzkudun goi-mallara

 oso iritxi zan,

 zu-re igoko zera,

 ez dudarik izan!

 

 -10-

 

 Gerri eta petxuak

 dituzu apartak.

 zer esanik ez berriz

 beso eta ankak.

 Nola etzaitun galduko

 indarraren paltak,

 ia austen dituzun

 Uzkudun'en markak.

 


inprimatu