Bidegarroa

Maruri

 Eiztari zitalak il dit

 Neguko gozagarri

 Zeruak bialdutako

 Bidegarro kantari.

 Ilbeltzeko egunetan

 Baratzen zuaitzetan

 Kantari zegon beti

 Txori, ordu luzeetan.

 Augaitik urretxindorra

 Baño ere geyago

 Nik nun bidegarroa

 Pixka bat maitiago.

 Atsalde baten banua

 Neronen baratzera,

 Ez det iñun entzuten

 Txoriorren doñua.

 ¿Zer egin dizute zuri?

 ¿Nun zera maitia?

 ¿Zergatik bada ez dezu

 Abestuten, txoria?

 ¿Eiztari zitalen batek

 Il al zaitu kutuna?

 ¿Zergatik ba gaur daukazu

 Nire gogoa illuna?

 Oyu oek amaitsean

 Zuaitz azpin dakuskit

 Eiztari zitalen batek

 Berunakin josirik.

 Eiztaria, ez arren il

 Txori abeslaria,

 Ez arren berunez josi

 Negu gozagarria.