Mutchurdin!

Maria-no

 ERREPIKA

 Ene herri maiteko haur gazte pollita,

 Jaunik nahi baduzu handitan ez bilha!!!

 1

 Mutchurdin gazte bati zenbeit pertsu berri:

 Suyeta eder zaiku eta charmegarri...

 Nigarrez urte eta egiten da hirri!!! (bis)

 2

 Herri pollit bat badu han nonbeit Laphurdin

 Maria nun baitago bakharrik mutchurdin,

 Etche ttipi batean oiloen erregin!... (bis)

 3

 Lorettoak goizean badu begitharte:

 Arratseko guziek zango pean dute;

 Lorettoa bezala, Maria, zirade! (bis)

 4

 Duela zenbeit urthe, zuk ere Maria,

 Bai iduri zinuen arrosa gorria:

 Orai galduche duzu orduko floria! (bis)

 5

 Orduan andre handi ez ninduzun nahi

 Etzinuen nik egin galdea onetsi;

 Egun ahal dukezu hameka urriki!!! (bis)

 6

 Nik emen ibiltzen buruan chapelik

 Ez eta kokotsean biburtzen bicharrik:

 Hortakotz ez dut izan nik zure agurrik! (bis)

 7

 Ikhusi izan zaitut bestaz besta kurri,

 Ilea orrazetan, lephoa ageri,

 Bichardun guzien agur eta hirri!! (bis)

 8

 Behinere etzaizu zuri gogoratu

 Beharko zinuela mutchurdin gelditu,

 Ni holako lorea muchurdin geldi..., fu!!! (bis)

 9

 Florian zinelarik sobera galdegin,

 Maria, hor zirade bethiko mutchurdin.

 Zertako ez dautazu eni agur egin?... (bis)

 10

 Zure gutiziarik ez dut gehiago:

 Zure pareak orai ez dire arraro:

 Maiteago baditut berrogoi zu baino!!! (bis)

 11

 Chori batek nonbeitik ekharri daut fama,

 Nitaz nigar egiten duzula zuk ontsa...

 Enekin ezkontzerik etzazula pentsa!!! (bis)