Eskari auxe egin didate
Manterola, Marzelino
Eskari auxe egin didate
nere lagun zar batzuak,
izatez ere nola baitiran
ain bertsozale sutsuak;
argitasunik ematen badit
gure Jaungoiko altsuak
kamiotako ibillerari
jartzera nua bertsuak.
Uztaillaren ogeitabosta,
Santiago-ren eguna,
ze bero zakar, kixkalgarria
orduan egin zuena.
Kamio-ertzeko arbolpetikan
nengoen ziar etzana,
iņola ezin sinistaturik
ikusten ari nintzana.
Ordu pare bat igaro nitun
nik ziaro arriturik,
ainbat denboran gelditu gabe.
Kamio dana beterik;
an etzan palta kotxe, autobus,
kamioi eta motorik,
mendi-bidera jo bearko degu,
or ez da geio lekurik.
Geientsuenak bere saillean,
alkar errespetatuaz,
beren raitatik atera gabe
pazientzia artuaz;
baiņa batzuak ikusten ziran
erdi-otso biurtuaz,
danei aurrea, artu naiean
arrixkuetan sartuaz.
Beste batzuak, zoritxarrean,
sarri ikusten ziranak,
neska gazteak txofer gaiņera
beren buruak etzanak.
Al dan jatorren ibilita ere
izanikan naiko lanak,
zer argitasun eramango du
postura ortan dijuanak?
Nere ustetan ba-da garaia
buruz pixka bat jazteko,
ainbat arrixku dagon lekuan
txorakeritan asteko;
dexkuido gutxi naikoa da or
bazter guztiak nasteko,
oi baiņo leku zabalagorik
ez ote da jolasteko?
Zentzu guztiak galduak daude,
ez da posible bestela,
ala erakutsi nai al diote
asko maite dituztela?
Pentsatu ezkero eriotzako
arrixkuan dijoaztela,
nik uste beste minutu batzuk
aguantatu ditezkela.
Batzuk presaka, bestek jostatzen
dabiltzan leku guzitan,
errespetu ta lotsa galduaz
ain jokera itxusitan.
Oiengatik zenbatek parte
artutzen du desgrazitan?
kulpik ez dunak pagatu bear
amarretik beatzitan.
Gero ta arrixku geio dagola
egon gindezke etsiak,
gazte jendeak artzen baditu
norbere komenetziak.
Aztu dirade legezko martxak:
bukatu pazientziak,
ori dala-ta zenbat famili
dabiltza lutoz jantziak?
Geren kurpillak erabilitzen
egon gaitezen txit trebe,
duda-moduan ibiltzezkero
etxean gelditzea obe.
Anai-arrebok izan gaitezen
geran buruaren jabe
kamioetan oinbeste odol
ixurtzen ikusi gabe.