Euskalerriko ekintzalleai
Manterola, Ander
I.-
Biztu nebazan begiak:
I ete intzan emendik!...
Penatan gero jausiak
Ezer be ikusi barik.
Ikusmena illun,
entzumena isil,
irerik ez entzun...
Nundik ete abil?
Bakar nagok,
ez joat ezer,
barruz uts nok,
ator laster.
("Oraindiņo, ez. Ator eu bidez").
II.-
Ainbat jazo bear zanik!...
Eta bide latzagorik?
ez negoan gaurko eran
bide min au asikeran.
Guztiz nok birrindu:
Maiteak urrindu,
gogoa tristatu,
odola nekatu;
Ametsak austu,
Irriak aiztu,
Negarrak aurrez,
Eta... zer ordez?
("Nigana, eldu gurean, Ondo abil i bidean...")
III.-
("Elduta bidez, Nigaz azkenez").
Len illuna,
Oin eguna;
Len negarra,
oin indarra;
Len amestzat,
oin egitzat;
Len nekea,
oin bakea.
Igaz egotea!
|