gidari on bat izatezkero
Manterola
-1-
Gidari on bat izatezkero
zu bai zerala benetan,
erakutsia daukazu garbi
egin dituzun lanetan;
mutillak beti trebe jarriak
beren eginkizunetan,
argatik zabiltz beti aurretik
zoazen leku danetan.
-2-
Zuretzaz ezta baliza txarrik,
eta itxaso zabarrik,
ain gutxi berriz olatu eta
bueltak artutzen okerrik
Arraunak zuzen, mutillak zimel,
ezer eztago alperrik,
ezpaita aski indarra sobre
edukitzea bakarrik.
-3-
Jaioterria apaindu ondoren
kopa eder da banderez,
len baju zeuden auzo erriak
jantzi dituzu onorez.
Gaur Gipuzkoa beterik dago
balio aundiko landarez,
bear bezela oiek ezitzen
asi zaitea, mesedez.
-4-
Zu, Joxe Anjel, ortarakoxe
sortu ziņan egun batez
sasoi ederra daukazu oraindik
eta aprobetxa zaitez.
Karmen'go Amak zaitu zaitzala
aparteko borondatez,
nere zorion beroak artu
bertso auetxen bitartez.