Udabarri!
Manterola, G.
Eguzkia goiztar da
Mendi erpiñetan,
Alaitasun geznari
Ibar ta landetan...
Baserritar-biotza
Pozez da egitan,
Begiak yosita lez
Izpi gorrizketan.
Txori maite-abesak
Dakarstaz aizeak,
Bate besten ondoren
"Txirro-Txi" zoliak,
Iturria "Txortxorka"
Dos aldamenean,
Urre-antzez diz-dizka
Eguzkik yotean.
Zugatz-adarren kimak
Orlegiz yantzirik,
Zelayan pitxi lorak
Margoz apaindurik,
Solo eta muñoak
Bedartza ederrez...
¿Au bai ikuskizuna
Udabarri goizez!
Burdian irrintzia
Dantzut barrenean,
Gerotxo "Aida-gorri!"
Neugandik urrean;
Akulua lepoan
Dator Mikel Anton,
Irribarre gozoaz
Diñola: "Egun on!"
Egun on bat zuri be
Bemotzu Yaun onak,
Sasoiz egin daizuzan
Ereitzeko lanak".
Ordua be izan da
Arto ereiteko,
Uste neban euria
Ez zala amaituko.
Euri txingor indriska
Izan da bai aurten,
Ba'zirudin mundua
Yoyala urtuten".
Ekatz, euri indriskak
Ez dira txar beti,
Zerbait kalte einda be,
On dira besteti,
Aizea garbituaz,
Lurra be gozatu,
Bedartzak ugalduak
Dira onuratsu.
Ekizu, Mikel Anton
Ludiko gauzetan
Alderdi bat beti da
On dana benetan.
¿Zergaitik begiratu
Kaltetsu danari
Eta yaramonik ez
Onuratsuari?
Gure onez damoskuz
Yaunak txar ta onak,
Baita gure irudiz
Txar antza dabenak
Gure zeregiña be,
Bura makurtzea,
Eta biotz guztiaz
Yauna eskartzea.
Asko dira baserri-
Gizonen artean,
Beti ezpaz ta kezkaz
Euren yardunean,
Beti negarti eta
Egundo ez pozik,
Daukezan gauz oneri
Begiratu barik.
Ase eziñez itsu
Ona ikusteko,
Eta begiak zorrotz
Zoritxarrerako.
Iñoz be naikorik ez,
Beti geon billa,
Neurribako gurari
Asetu eziña,
Da gaur lugin askoren
Bizitza-legea,
Naiz ta ez izan ori
Zorion bidea.
Dozunagaz pozik ta
Ezkarronez beti,
Dana datortzulako
Aita'ren eskuti
Yazoizuz gora zure
Biotz ta begiak,
Onetsi zaizan beti
Yaungoiko maiteak.
|