Udabarri
Manterola, G.
Eguzkia goiztar da
Mendi erpiñetan,
Alaitasun-geznari
Ibar ta landetan,
Baserritar-biotza
Pozez da egitan
Begiak yosita lez
Izpi-gorrietan.
Txori maite abesak
Dakarztaz aizeak,
Bata besten ondoren
«txorri-txi» zoliak,
Iturria «txortxorka»
Dot aldamenean,
Urre antzez dizdizka
Eguzkik yotean.
Zugatz-adarren puntak
Orlegiz yantzirik,
Zelayan pitxi-lorak
Margoz apaindurik,
Solo eta muñoak
Bedartza ederraz...
Au bai ikuskizuna
Udabarri goizez!...
Burdian irrintzea
Dantzut barrenean,
Gerotxo, «Aida gorri...!»
Neugandik urrean;
Akulua lepoan
Dator Mikel Anton
Irribarre gozoaz
Diñola: «Egun on...!»
-«Egun on bat zeuri be
Dagitzula Yaunak,
Sasoiz egin daizuzan
Ereitzeko lanak».
-«Ordua be izanda
Ereitzak eiteko,
Uste neban ekaitza
Ez zala amaituko.
Euri, edur, indriska
Izanda bai aurten,
Ba'zirudin mundua
Yoyala urtuten».
-«Ekaitz, edur indriskak
Ez dira txar beti,
Zerbait kalte einda be
On dira besteti.
Aizea garbituaz
Lurra be gozatu,
Bedartzak ugalduaz
Dira onuratsu.
Ekizu Mikel Anton
Lurreko gauzetan
Alderdi beti da
Ongille benetan.
Zergaitik begiratu
Kaltesu danari,
Eta yaramonik ez
Onuratsuari?
Gure onez damoskuz
Yaunak txar ta onak,
Baita gure irudiz
Txar-antza dabenak.
Gure zeregiña ba
Buru makurtzea.
Eta biotz gustiaz
Yauna eskartzea.
Asko dira baserri-
Gizonen artean,
Beti ezpaz ta kezkaz
Euren yardunean.
Beti negarrez eta
Egundo ez pozik
Daukezan gauz oneri
Begiratu barik.
Ase eziñaz itsu
Onak ikusteko,
Eta begiak zorrotz
Zoritxarrentzako.
Iñoz naikorik ez da
Beti geyon billa,
Neurribako gurari
Asetu eziña.
Da gaur lugin askoren
Bizitza-legea,
Naiz ta ori ez izan
Zorion-bidea,
Dozunagaz pozik ta
Eskarronez beti,
Dana datortzulako
Yaunaren eskuti.
Yasoizuz gora zure
Biotz ta begiak
Onetzi zaizan beti
Yaungoiko maiteak»...
|