Zeņen atsegiņa zeran, illunabar ordua!
Aldabe, Joakin
Entzun da illuntzian
amezkil soiņua.
Egiz dirudi dala
beste mundukua.
Danak dijuaz etxera
dalako ordua,
utziz alde batera
gaurkoz lan lekua.
Geroago joko da
arimen ezkilla.
Otoitz egiņik danok,
ona izan dedilla.
Oraiņ bilduko dira
afariaren billa
emanaz aurretikan
Jaunari esker milla.
Errosario otoitza
amonak asten du.
Erantzunik aitonak
gaztek lagun ditu.
Morroi, neskamiak ere
diote lagundu.
Gero laxter oera
dalako berandu.
Oporra esnez betia
dator aurretikan.
Esne lodi lodiak
ez du urarikan.
Antxen geldituko da
bakar ta ixillikan
sukalde maite epela
iņor gaberikan.
Badirudi arratsak
iretsi ditula
sabel barruak jana
gordetze'n bezela,
bertako gauz guztiak.
Aiņ dago ituna!
Bakar ta illuntasunian...
ura gozamena!
Txulo txiki batetik
irten da xagua
ortzakatuz beriala
janari kutsua.
Nun dabill andik alde
eiztari katua?
Ezkillak jo du torrian
gau erdi ordua.
|