|
Bakartasuna
Manterola, G.
Bakartasuna!
Bakartasuna!
gogai sakonen abia.
zu zara gizon
egiz danentzat
lurrean zeru txikia.
Munduko naste
gaizto ta guzur
artetik iges doanak,
zugan aurkitu
daroaz beti
bake-igali onenak.
Zuk irakatsi
oi dozuz bakez,
non aurkitzen dan Egia,
zure irakasle
daben gizonak
aurkituko dau Bidea.
Gaurko gizonak
zugandik iges
dakustaz ixurritik lez,
iskanbilla ta
naste artean
bizi nai gau naiz egunez.
Diru, yolas ta
atsegin billa
doaz igesi zugandik,
baņa zugandik
urriņago-ta,
biotza beti uts-utsik.
Egarri dona
ur-iturritik,
bere biotza
nok ikusi dau igeska?
baketu nai ta,
zarata, naste billaka?
Orixe da gaur
gizon geyenen
ames ta bizi-legea,
ori dala-ta
arteak artu
eziņik da gizadia.
Bere barrura
begiratzeko,
bildur-ikaraz gizona?
auxe da gaurko
aurrerapenak
nonbait ekarri dauskuna.
Bakartasuna
Ixiltasuna!
irakaslerik onenak,
yakin daiguzan
Yaun ta lagunaz
doguzan artu-emonak.
Bakartasuna!
ixiltasuna!
biotzen ondasuntegi,
naste artean,
ikusi daigun
zaintzen geu-biotza garbi.
|
