Otza eta beruak, gorazazute Jaungoikoa
Aldabe, Joakin
Ez dugu aurtengo lenengo erdia
abesti alaiz goratuko,
txarren artian zitalarena
alatsu izana dalako.
Illbeltza illak alako emaitzak
jakiņa zan!, eman zitun.
Era berian bere zakuan
gorderik geigo bazitun.
Ondotik bide egiņa zion
Otsaill kaska ariņari.
Ta onek nora daukan taranta...
begiratzen dio izenari.
Negua izaki ta onen kosetxak
izaten ditu ugari,
Orrela Utsailla izana dugu
nolabaiteko erdi ipurdi.
Aren ondotik Epailla gendun
izen ta izan aundikua.
Uda Berrien itzal gozo bat
berekiņ zun agertua.
Zabaldu zazu oso osua
alderdi guztietikan.
Atera zazu antxo gizena
dagon leku gordetikan.
Arrantzaliak zure izena
inzensu usaia bezela
gurtua dute. San Jose eguna,
illaren emeretzia.
Eta egun au arturik dute
aspaldiko urtietan
asiera on bat eman ta gero
jarraitzeko illautietan.
Noiz nai aurretik bero egunez,
ta beti gero ondotikan,
egiten zuten Kantabri uretan
antxo kostera ederrikan.
San Jose eguna datorrenian
oroituaz lengo denboraz,
ez poza baizik larritasunez,
betetzen dira ikaraz.
Noruntz zabaldu orain begiak
Nun jarri itxaropena?
Nabaitzen dute bere aurrian
izango duten utsuna.
Zerekiņ bete zulo aundi au?
Antxua da betegarri.
Ainbeste ontzi t'ainbeste gizon
danak begira itsasuari.
Biar bada Apillak idekiko du
itsasuaren kolkua...
Ez da izaten orrelakorik.
Guretzat dago antzutua!
Badaki ongi Lorailla illak
antxua ugari ematen,
ta lengo utsuna ongi ornitu.
Izango zan, baņa zan len!
Epailla Apillak ez, ta Loraillak
lorek bezela antxua eman?
Ez da gaur olako konturikan.
Igestu dira ametsetan.
Juten danian, Lorailla illak
dio uzten Ekainari
gauz on aundi bat itxurazkua
izateko suspergarri.
Urra, ba, emen sei illauteko
dituzten irabaziak.
Gauz gutxi dira, oso gauz gutxi
ostalitzeko premiak.
Uda Berria, sasoi onena
izan biar lukenian,
biurtu zaio etsai aundia.
Bera garaille azkenian.
Antxo kosterak iges egiņ du,
ta urrenguaz oroitzian,
zulatzen ditu arantz zorrotzaz
beren biotzen erdian.
Urra azkena Ekainarena
illuna, otz ta tristia.
Ez naiz arritzen ikustiarekiņ
larri gaur arrantzalia.