Orixe'ri
Aldabe, Joakin
Nai ta nai ez kristau ona
biar dezu, bai, zuk izan,
olako doai-bilduma
daukazuna zure gan.
Lurretikan oso gora
aiñ erraz zerana egan,
on utsen mami bakarra
ainbeste dezuna eman.
Orixe bakarra zera,
gure Orixe maitia:
guretzat onurugarri
zuri begiratzia.
Jartzen dezu lorez apaiñ
ludi ontako bidia,
ideki zabal geroko
zerurako atia.
Nundik nora datorkizu
olako ontasuna,
zure eskutan Jaun aundiak
Berak jarri dizuna?
Lur arruan azi ona
Bera da ereiñ duna;
Berak ereiñ, Berak eman
azkenik onespena.
Zu jaio ziñan egunen
izar ederrak argi,
arima moldakor ona
lausorik gabe garbi.
aingeru, gotzon guztiak
zuten egun pozgarri;
etsaia bakarrik zegon
muxiñ, aserre larri.
Zertako luzatu geigo
nik esan nezakena?
Beste eskutik artu dezu
zuk merezi dezuna:
Aintza, txalo, besarkadak,
Leitza'n zendun omena.
Neria ezer ez dezu;
bero da txikiena.
Zure izena, zure lana
guretzat oroigarri;
samiñtasun aldietan
benetan gozagarri.
Altxa zagun zure izenian
illezkor urrezko arri.
Bazera goragarria,
gure Maisu on ori!
|