Munduaren gablideak
Itsasoaren antzeko
da mundu au guretzako;
txiki aundiak
geran guziak
etsai orrekin guduka
ta egin azkar burruka.
Ekaitzak ontzia nola,
Satanek animak ola
Tentatzen ditu,
beartzen ditu,
ikusi naiez galduak
zerurako gure oiuak.
Nork ikusi olakorik,
olako etsai gaiztorik?
atertu gabe,
gelditu gabe
gogor egiten digute;
atoz, Jesus, jaiki zaite.
Atoz, Jesus, atozkigu,
zure bearra badugu.
Oi au zoria,
sumin bizia!
Galtzeko bidean gera,
atoz, Jesus, laguntzera.
Beldurrik gabe atozte,
neri otsegidazue;
zuen negarrak,
oiu suarrak
aditzen ditut zerutik,
ez izan bada beldurrik.
Nik arturiko zauriak
ta grazia ugariak
autsi dituzte,
txautu dituzte
etsai guziak, infernu,
Satan, aragi ta mundu.
Siñetsazue egia,
nere agotik ilkia;
zuek aztutzen
eta ukatzen
ezpanauzue osoro,
etzaituztet ukatuko.
Zaudete beti nerekin,
nagon ere ni zuekin;
nerekin tinki
dagona zinki
daite gozoki azia,
zerurako berezia.
Zeru-lurreko gozoak
ez elkarren antzekoak:
auek galkorrak,
aiek tenkorrak!
orain zer zio gogoak?
auta zatzu zerukoak.
Tratantek, aberasteko,
gerrariak garaitzeko
onbearrari,
eriotzari
azkarki buru-egiten;
ots, kristauak, erna gaiten.
Osoki dira aundiak
guretzat dauden sariak;
gudu autatik
bein aterarik
zeruko gogo guziak,
Jesusek irabaziak.
Gudu egin ta burruka,
erioraño burruka;
biozdunentzat,
garaileentzat
koroak gerturik dauzka
Jainkoak zeruan barna.
Ai! zutaz aztu banadi,
mingaña ago-gangari
josi bekio
bein ta betiko!
zeru eder atsegiña,
zugana da nere miña.
|