Jun da uda
Aldabe, Joakin
Itz neurtuetan agur labur bat
emango diot Udarari,
emaitz aukera jarri dulako
gure eskutan ugari.
Jaunak moldatzen daki guztia.
Esker onenak Berari.
Bakartu dira mendi bidiak
antzen daude ixillikan.
Oiu ta irrintzik mututu eta
ez dabill an gazterikan.
Loia, txirriata ta ur-zuluak:
ez dago an besterikan.
Ari da itzaltzén Udako argia,
ta epeltzen dira, beruak.
Goibel illunak negu kolorez
dituzte estaltzen zeruak.
Menditan berriz poli-poliki
gorritzen dira garuak.
Mendi tontorra argi ziranak
daude oraiņ laiņotuta.
Neguko lotan erortzen dira
zugaitz guztik narraztuta.
Ardi txuriak jana billaka
arat onat gosetuta.
Gure enara beti urtero
apaiņgarri genitunak,
kabik utzita uts-uts ta otzak,
laxter ditugu juanak.
Agur, enara, gure laguna,
oso maite ziņatenak.
