|
Marijesiak
Abendu Santu onetan
Kristo'ren Jayotzian,
kontentuaren andiz
guztijok poz gaitian.
María y José
José y María,
María y José.
(Kopla bakoitza, bi puntuko da; eta ondotik, beti ere, estribillo -estribillo arrotz- lenengo bi kantuetan). ("María y José" ortatik bait-dator Marijesi izena ere).
Eguzki dibinala
gabaren gaberdijan
etorri zan mundura
gizonaren jantzijan.
María y...
Trinidade altuko
bigarren personia
trasformadurik dago
Belen'go estalpian.
María y...
Au dala jayo, jayo,
au dala jayotzia;
semia jayo ta be
ama da dontzellia.
María y...
Kristalian argija
bezela pasatu;
eginda gero bere
dontzella gelditu.
María y...
-Josepe, zer ordu da?
-Maria, gaberdija;
zeruko izar ederra
laster dogu parian.
María y...
Otzaren ikaraz dabil
jayo dan infantia;
bere amak dirautzo:
-Ixi, ene semia.
María y...
Iru Errege Maguek
ain bide luzian
mirari andi batez
alkartu zirian
María y...
Iru Errege Maguek
ain bide luzian
bakotxak eroyela
bere presentia.
María y...
Iru Errege Maguek
ain bide luzian
ostatu artu eben
ain etxe pobrian.
María y...
***
II
Txit egun ditxosua
dogu Egubarri;
zegaitikan dan Jesus
gugana etorri.
Jesucristo!
Ay qué bonito buen Niño
Jesucristo!
Erakutsi biosku
zer egin biogun
Beraren alabantza
gaur kantatu daigun.
Jesucristo...
Josepe emon deutsoe
Maria'ri esposo,
bijok izan daitezan
Aurraren guraso.
Jesucristo...
-Agur, dontzellia,
graziaz betia;
zeure izena dozu
Birjiña Maria.
Jesucristo...
-Arkanjel San Gabriel
anuntziadoria:
ez gaizuz espantadu
ain jente umildia.
Jesucristo...
Josepe'k dirautso
Maria Birjiñiari:
-Noz deklaratuko da
geure esperantza ori?
Jesucristo...
Biok Beleren'era
daude kaminatu;
an eldu diranian
ostatuaren itandu.
Jesucristo...
Eskepe-etxetxu baten
dagoz atiak joten;
gizonak bentanara
txito nekez urteten.
Jesucristo...
Gizonak bentanatik
onelan erantzuten:
-Nor da, ordu onetan
geure atiak joten?
Jesucristo...
-Nor ta nortzuk bizi dira
etxetxu zar orretan?
-Nor ta zer gura zenduke
Jaunaren ordu onetan?
Jesucristo...
-Ara or etxetxu zar bat
uriaren kabuan;
ganaduak-eta baño
ez dira sartzen barruan.
Jesucristo...
Arrano galant bat
zerutikan lurrera;
sujetadu izan (da?)
zeruko Erregea.
Jesucristo...
Ameak artu eban
semia besuetan;
Seme ta Jaungoikua
zituzan adoretan.
Jesucristo...
Seiña billosik dago
lur otzaren ganian;
Amea beleuniko
negarrez an, urrian.
Jesucristo...
-Billoisik bazagoz bere,
etzara zeu pobria;
zeruan josirik dago
zeuretzako erropia.
Jesucristo...
-Nor ete da? zein ete-da
erropiaren joskiña?
-Amandre Santa Isabela
Birjiñaren lengusiña.
Jesucristo!
Ay! qué bonito buen Niño
Jesucristo!
***
Nazaret'eko tenpluan dago
dama eder bat jarririk;
izena bere Maria dan ta,
ondo graziaz beterik
Bai, Belen'en eta bart Belen'en
jayo da Jesus Nazaren!
-Pastore santu, birtuosuak;
balia zakiguz gaur emen,
bartarratsian zer pasatu dan
kanta dagigun Belen'en.
Bai, Belen'en...
-Jesus dibiño! gabaren otza!
jausten da iñetasije;
erleju bijen jarraitten badau,
il da ganadu guztije.
Bai, Belen'en...
-Ortixik gora niñoiela,
ospiteletxu zar baten
Aita San Jose topadu neban
astotxuaren txalmatzen.
Bai, Belen'en...
-Belerenego Urijan
Gabon-gabaren erdijan
Ama Birjiña topadu neban
kontsolaziño andijan.
Bai, Belen'en...
-Korraletako ardijak bere
yantzan ebizen orduan,
Jesus deritxon Salbadoria
jayo dalako munduan.
Bai, Belen'en...
Birjin Andriak bere Semia
pozez yantzan erabillen...
"Au da Gabon eta au da Belen!.
Jayo da Jesus Nazaren!".
Bai, Belen'en eta bart Belen'en
jayo da Jesus Nazaren.
|
