Itsas ontzia itsas bidietan arratsian
Aldabe, Joakin
Argi berdia balego itsason
argia berdien aurrian,
edo gorria izango balitz
beste gorrien parian,
ez dago orduan ezen galerik:
Jarrai bakoitzak bidian.
Ikusi ezkero berde-gorriak
zure ontzien proatik,
sartu biar dezu estribor aldera
zure gorria agerturik.
Ori egiņ ta lasaitu zaite;
ez dezu iņungo arriskurik.
Estribor aldetik topatzen bada
aitatu degun gorria,
jo zazu laxter ezker eskubi
ta aldendu zure ontzia;
gelditu aburo, bestela eragiņ
indarra emanaz atzera.
Argi berdia ikusiko balitz
zure babor aldetikan,
jarrai aurrera ernai zaudela,
ta ez galdu martxarikan.
Arek biar dizu bidia iriki;
ontan ez dago dudikan.
Egon zindezke, itsas patroia,
begik beti zabalduta.
Arrisku aundiak izaten dira
uste gabian sortuta.
Aurre bidian arriskua dala...
jo zaru atzera indartuta!
