inprimatu
Oraingo neskatxen jazkera
Izenburua:
Oraingo neskatxen jazkera
Sinadura:
Lujanbio Retegi, Jose Manuel (Txirrita)
Urkizaren iruzkina:
Egilea(k):
Lujanbio, Jose Manuel

Argitalpena:
Bertsolaria.
Urtea:
1931
Argitalpenaren urtea:
1
Alea:
6.zk.
Orrialdea:
33

 

 

 

 

faksimilea ikusteko


Oraingo neskatxen jazkera

 

Txirrita

 

 1

 

 Ara neskatx gaztiak

 zuentzat bertsuak

 bistan daukatitenai

 petxu ta besuak,

 etziran ola bizi

 zuen gurasuak,

 esperantza ederra

 daukate gaxuak

 sartzera pasatzeko

 egun erosuak.

 

 2

 

 Gona laburrak jantzi

 illiak moztuta

 nor azalduko zayen

 dabiltza poztuta,

 amaren arrazoyak

 baliyo eztuta,

 berenak aundiyago

 kopeta beztuta

 gorputza adornatzen

 animaz aztuta.

 

 3

 

 Katiak lepuan da

 esku muturretan

 jazten dituzte zenbait

 fameli pobretan,

 aberatza berdintzen

 zalla da obretan;

 alabak apainduak

 estadu obretan

 ta amak famelira

 ogiya zorretan.

 

 4

 

 Zapata koskor dunak

 anketan sartuta

 alpargata txuriyak

 paperan artuta

 billeran dantzatzeko

 ayek muatuta,

 beren antzeko zenbat

 enamoratuta

 or dabiltza saltoka

 erdi txoratuta.

 

 5

 

 Dantzatik geldituta

 illunabarrian

 bakoitzak mutill bana

 badute urrian,

 fallorik ote daukan

 atzian t'aurrian

 alkar neurtuko dute

 luze laburrian,

 erretiratzen dira

 garai ederrian.

 

 6

 

 Zenbaitek esango dit

 neronei akaso:

 -Kantak jartzia gaizki

 egiñ dezu oso;

 gona motx, ille, kate,

 petxua eta beso

 neskatxa gaztientzat

 orrenbeste bertso,

 konpadriyan ez danak

 ez kandelik jaso.

 

 7

 

 Mutill sasoyekuak

 badabilltza fuerte

 neskatx oyekiñ artu

 nai dutenak parte,

 arrosa ta krabeliñ,

 releju ta kate,

 gorputza dibertitzen

 naiz animak kalte

 premiya zenek daukan

 ezagutzen dute.

 

 8

 

 Lenguan neska zar bi

 oriyen jazkera,

 gona motxak jantzita

 pasiatutzera

 otsuak soildutako

 ardiyen antzera

 besuak agiriyan

 kolkuan petxera,

 amarrak alde arte

 ez datoz etxera.

 

 9

 

 Ni askotan bezela

 tabernan neguan

 neska zar oyei esan

 niyoten lenguan:

 -Jantziyori ona da

 denbora beruan

 baño Illbeltzian

 eta Abenduan,

 gaxuak, otzak illko

 zaituzte neguan.

 

 10

 

 Ustez ez niyen egiñ

 abertitu baizik,

 bat oso zapuztu zan

 egiñ gabe itzik,

 bestiak errespuesta

 eman zian pozik:

 -Ez dauka jantzi onek

 iñorako lotsik

 sasoi daukanak eztu

 sentitutzen otzik.

 

 11

 

 -Beraz erare ontan

 olako sasoya

 ogei ta bi urtetan

 etzeuden lasaya,

 adiko zenduen

 mutillen usaya,

 polita zera, baño

 bajatzen asiya,

 gona motz oiñ azpiyan

 daukazu etsaya.

 

 12

 

 Garai batez majuak

 bazituan sobran

 orañ zenek naiduen

 emen dabill proban

 afanosobat dala

 ezagundu obran

 iñork jakiñ nai badu

 neskatx ori nor dan

 ote motxen jayua

 Ximelaren bordan.

 


inprimatu