Lopetegi'tar on Jose Maria'ri
Txirrita
1
Jose Maria Lopetegi du
euskaldun batek graziya
igeltzeruen kontratista da
Irun'en jayo'ta aziya,
omenaje bat oso ederra
degu orrentzat aziya,
nik bertsuakiņ goratuko det
alnezakien guziya.
2
Alde ortatik izandu diran
diskursolari guziyak
esan dirate nola dituen
arriturikan utziyak:
orrek kantari bukatzen ditu
ayek izketan aziyak
merezitubak izango dira
ematen zaizkan graziyak.
3
Biyotz oneko gizona zera
eta asko dakizuna
nork du olako borondatia
izan arren jakintsuna,
zuk dezu grazi partikular bat
Jainkuak eman zizuna,
euskal erriko jende geyenak
maite zaituen gizona.
4
Miserabliak sokorritzeko
orrek baditu moduak
noizbait ederki ikasiya da
bienabenturaduak,
leku gutxitan billatzen dira
orren gizon onraduak
ez dakit iņork emango dizkan
merezi ditun graduak.
5
Nola Irun'go personajia
ala pauso aldekua
jendiak pozaz akuditzen du
ori dijuan lekua;
bere legiak ukatu baņo
nailuke autzi lepua
erri bakoitzak biar genuke
gizon bat orrelakua.
6
Zenbait bezela alperkeriyan
ez da egoten oyian
mantendu ona kastatutzen da
oyen etxeko-mayian;
aste guziya lanian pasa
diskurtsuetan nayian
bere barrengo sentimentuak
adierazi nayian.
7
Euskal-eriko anai maitiak
aditu nere esanak,
Lopetegi'ri gustatzen zaizka
lege ona ta zuzenak;
erri bakoitzak iru balitu
zu bezelako gizonak
oraindik ere argi litezke
illunpian dabiltzanak
8
Bertsuakiņ ez asarretzeko
egiten dizut, suplika.
nola dan gazte inozentia
Txirritak ez du kulpika;
norbaiten mende bizi biagu
ortan ez dago dudika
biar bezela ipiņtzen bada
ona da errepublika
9
Irun'go gizon onradu onek
au da itz egin duana,
pulamentuzko arrazoya ta
pozaz aditu nuana,
ezdakitenak enteratzeko
ez da denbora juana
dudan dagona ikasitzera
etorri bedi gugana
10
Aspalditxoko laguna det nik
len esan degun jaun ori
gizon gaixtua izan danikan
ezdiyot entzun iņori;
martxa ederra jarri du eta
segitzen diyo lanari,
fameli ederra azidu baņan
mutill gazte bat diruri.
11
Leku askotan korrituba da
Espaņiyan da Frantziyan
gizon onaren itxura dauka
gorputzian eta jantzian;
izketan ere oso soseguz
Jaungoikuaren graziyan
alkar maitiak izandu gera
geren denbora guziyan
12
Leku askotan ikusi zaitu
umildadez ta pakian
itz bat bakarrik atera gabe
projimuaren kaltian;
grazi ederr'au egiten zaitzu
aurten Irun'go partian
zure izena aitatuko da
beste larogei urtian
