Gogo-jardun ondorena
Luistarra
Gogo-jardunak izan ditugu
Errezil'ko erri maitean
Milla pasata bederatzireun
Ogeita amabigarrenian
Goguan izan ditzagun bada
Gure denbora guztian
Bertso batzuek jartzera nua
Gure ARGIA maitean.
Milla ta milla esker lenengoz
Gure bi aita maiteai
Bada ainbeste alegindu ziran
On egiten gure animai
Orregatikan nere biotzak
Ez die ixillik utzi nai
Eta deadarrez esaten die
Maite ditugula bai.
Garizumako denbora ontan
Egun guztiz seņalian
Gure erriko apaiz jaunak
Zeukaten erabakian
Adierazi zuten gure elizan
Zortzi egunez aurretikan
Gogo-jardunak asiko zirala
Urrengo igande arratsaldean.
Baņon lenengoz izan ziraden
Gizakumientzat bakarrik
Urrena berriz emakumientzat
Zortzi egunez atzetik
Orrelaxen danok egin ditugu
Eskerrak Aita gureai
Berriz ere guk orrela egitea
Jaunak izan dezala nai.
Alde batera lanak utzita
Jarraitu genduan zintzo
Aitortuaz guk gure jabetzat
Zerutar Errege Kristo
Da orain bere eginduak
Prest gaude betetzeko
Ondorenian antxen Zeruan
Berarekin arkitzeko.
Egun auetan entzun ditugun
Egi mardul da sakonak
Ez ditugu beiņ ere utzi biar
Nola diran gauza onak
Bestela beintzat alper-alperrik
Egin ditugu Gogo-jardunak
Berok ondona igarriko dio
Ortan deskuidatzen danak.
Sayatu gaitetzen Kristau maitiak
Zeru bidean jarraitzen
Bestela beintzat geren kaltian
Gabiltz iņor engaņatzen
Orrelakorik iņolaz ere
Ez da zeruetan sartzen
Orair saiatu gaitezen bada
Aldegun onenak izaten.
Gure Jaun on da Jaungoikua
Zureak izan nai degu
Zu gabe beintzat iņolaz ere
Ezin gindezke bizi gu
Ama zerutik begira zaudena
Gugatik erregu ezazu
Eta eriotzako garayan
Zerura eraman gaitzatzu.