Zuri
Lopez, Franzisko
Arratseraño
Goiz goizetikan,
Aritutzenaiz bertso batzubek
Egin nairikan;
Eta ain gogoz,
Nun-oraindaño ezer ez daukat
Zure diñikan.
Nai dizutana
Gaur esateko,
Ez det arkitzen ezer ezere
Antz emateko,
Balitz neurriya,
Pensatutzendet naiko litzaken
Neurritutzeko.
Askotan diyot,
¿Nere gogoak
Irtenik nora joaten dirade
Guztiz gozoak?
Zutaz oroitzen
Orla dijoaz nere barrenen
Ordu osoak.
Chikitandikan,
Aur nintzanean
Eta seasken balantzachoan
Nebillenean;
Ordu ezkero,
Iduritzentzait zaudela beti
Nere parean.
Dana dijoa
Igaroturik
Banaturikan etorri ala:
Bañan izanik
Zu ain laztana,
Neregandikan etzerade juan
Iñoiz oraindik.
Nere biotza
Eta guztiya
Aspaldi ontan pozturik daukat
Zu gain jarriya;
Ta ain ederki
Gauza datorkit, dala Zerutik
Dena jechiya.